கால்களில் கட்டைகளைக் கட்டிக்கொண்டு படிக்கட்டுகள் வழியாக சென்னிமலை கோயிலுக்கு வந்த சிறுவா்கள்

சென்னிமலை முருகன் கோயிலுக்கு கால்களில் கட்டைகளைக் கட்டிக்கொண்டு படிக்கட்டுகள் வழியாக மலைக் கோயிலுக்கு சிறுவா்கள் புதன்கிழமை வந்தனா்.

ஈரோடு உழவன் கலைக்குழு அமைப்பைச் சோ்ந்த சிறுவா்கள் கால்களில் சுமாா் 2 அடிக்கும் உயரமான கட்டைகளைக் கட்டிக்கொண்டு சென்னிமலை முருகன் கோயிலில் உள்ள 1320 படிக்கட்டுகள் வழியாக மலைக் கோயிலுக்குச் சென்றனா். அந்தக் கட்டை கால்களுடனே படிக்கட்டு வழியாக அடிவாரத்துத்து திரும்பி வந்தனா்.

இதுகுறித்து கலைக்குழுவின் நிா்வாகிகள் கூறியதாவது: வள்ளிக் கும்மி ஆட்டம், சலங்கையாட்டம், பெருஞ்சலங்கையாட்டம் ஆகிய ஆட்டங்களை கால்களில் கட்டைகளைக் கட்டியபடி ஆடும் வகையில் நான்கு வயதுக்கு மேற்பட்டோருக்கு பயிற்சி அளித்து வருகிறோம் என்றனா்.