கோட்டுச்சேரியில் கால்நடைகள், கோழிகள் கண்காட்சி நடத்தப்பட்டு, பரிசுகள் வழங்கப்பட்டன.
கால்நடை பராமரிப்பு மற்றும் கால்நடை நலத்துறை சாா்பில் கோட்டுச்சேரி கால்நடை மருந்தகத்தில் இக்கண்காட்சி சனிக்கிழமை நடைபெற்றது.
இதில், பசு மாடுகள், வண்டி மாடுகள், எருமை மாடுகள், பந்தயத்திற்கு விடப்படும் மாடுகள் மற்றும் நாட்டுக் கோழிகள், வான்கோழிகள் உள்ளிட்டவை 200-க்கும் மேற்பட்டவை இடம்பெற்றன. சட்டப்பேரவை உறுப்பினா் சந்திர பிரியங்கா, கண்காட்சியை பாா்வையிட்டாா்.
கால்நடை மருத்துவக் குழுவினா், கால்நடைகளின் ஆரோக்கியத்தை பரிசோதித்து, கால்நடை வளா்ப்போருக்கு ஆலோசனை வழங்கினா். ஆரோக்கியம் மற்றும் சிறந்த முறையில் வளா்க்கப்பட்டிருக்கும் கால்நடைகளுக்காக, அதன் வளா்ப்போருக்கு பரிசுகளை சட்டப்பேரவை உறுப்பினா் வழங்கினாா்.
நிகழ்வில், காரைக்கால் கால்நடை பராமரிப்பு மற்றும் கால்நடை நலத்துறை இணை இயக்குநா் எம்.கோபிநாத், கால்நடை மருத்துவா்கள் கே. சுமதி, சுரேஷ், செந்தில்நாதன், கீா்த்திகா ஆகியோா் கலந்துகொண்டனா்.
