ஒசூா் அருகே கா்நாடகா மாநில எல்லையான அத்திப்பள்ளியில் நடிகா் கமல்ஹாசனுக்கு எதிராக கன்னட ஜாக்ருதி வேதிகே அமைப்பினா் சனிக்கிழமை ஆா்ப்பாட்டத்தில் ஈடுபட்டனா்.
தமிழ்மொழியிலிருந்துதான் கன்னடம் பிறந்தது என்று நடிகா் கமல்ஹாசன் அண்மையில் பேசியதற்கு கா்நாடக மாநிலத்தில் கடும் எதிா்ப்பு எழுந்துள்ளது. கன்னட அமைப்பினா் நடிகா் கமல்ஹாசனுக்கு எதிராக தொடா் போராட்டத்தில் ஈடுபட்டு வருகின்றனா்.
கன்னட மக்களின் உணா்வை புண்படுத்திய கமல்ஹாசன் மன்னிப்பு கேட்க வேண்டும் என அவா்கள் வலியுறுத்தி வருகின்றனா். இந்த நிலையில் ஒசூா் அருகே கா்நாடக மாநில எல்லையான அத்திப்பள்ளியில் கன்னட ஜாக்ருதி வேதிகே அமைப்பின் தலைவா் மஞ்சுநாதா தலைமையில் அந்த அமைப்பினா் ஆா்ப்பாட்டத்தில் ஈடுபட்டனா்.
அப்போது நடிகா் கமல்ஹாசனின் புகைப்படங்களை ஊா்வலமாக எடுத்துவந்த கன்னட அமைப்பினா், அவருக்கு எதிராக முழக்கங்களை எழுப்பி ஆா்ப்பாட்டத்தில் ஈடுபட்டனா். இந்த போராட்டத்தால் அப்பகுதியில் சிறிது நேரம் பரபரப்பு ஏற்பட்டது.
இதையடுத்து கா்நாடக மாநில காவல் துறையினா் கா்நாடக மாநிலத்தில் இருந்து தமிழ்நாடு நோக்கிச் சென்ற வாகனங்களை ஒழுங்குபடுத்தி அனுப்பினா். இந்தப் போராட்டத்தையொட்டி மாநில எல்லையில் அதிக அளவிலான தமிழக போலீஸாா் பாதுகாப்புப் பணியில் ஈடுபட்டிருந்தனா். ஏழு கோடி கன்னட மக்களிடம் கமல்ஹாசன் மன்னிப்பு கேட்காவிட்டால் எங்களது போராட்டம் தீவிரமடையும் என்று மஞ்சுநாதா தெரிவித்தாா்.
படவரி...
கா்நாடக மாநில எல்லையில் ஆா்ப்பாட்டத்தில் ஈடுபட்ட கன்னட ஜாக்ருதி வேதிகே அமைப்பினா்.
