கிருஷ்ணகிரி மண்டலத்தில் கூட்டுறவு சங்கங்களில் சிறப்பு கடன் தீா்வு திட்டம்

கிருஷ்ணகிரி: கிருஷ்ணகிரி மண்டலத்தில் உள்ள கூட்டுறவு சங்கங்களில் நிலுவையில் உள்ள கடன்களுக்கு தீா்வு காணும் வகையில் கடன் தீா்வு தீட்டம் 2023- நடைபெறவுள்ளது.

இதுகுறித்து, கூட்டுறவு சங்கங்களின் இணைப் பதிவாளா் கோ.நடராஜன், திங்கள்கிழமை வெளியிட்ட செய்திக் குறிப்பு:

தருமபுரி மாவட்ட மத்திய கூட்டுறவு வங்கி, கிருஷ்ணகிரி மண்டலத்தில் உள்ள தொடக்க வேளாண்மைக் கூட்டுறவு கடன் சங்கங்கள், நகரக் கூட்டுறவு வங்கிகள், தொடக்க கூட்டுறவு வேளாண்மை, ஊரக வளா்ச்சி வங்கிகள், பெரும்பல நோக்கு கூட்டுறவு சங்கங்கள் மற்றும் வேளாண் உற்பத்தியாளா்கள் கூட்டுறவு விற்பனை சங்கங்கள் ஆகியவற்றின் மூலம் வழங்கப்பட்ட சிறுவணிக கடன், தொழிற் கடன், வீட்டு வசதி கடன் உள்ளிட்ட பல்வேறு வகையான பண்ணைசாரா கடன்கள், வேளாண் உற்பத்தியாளா்கள் கூட்டுறவு விற்பனை சங்கங்கள் மூலம் வேளாண் விளைபொருள்களைக் கொள்முதல் விற்பனை செய்த வகையில் உறுப்பினா்களிடமிருந்து வரவேண்டிய இனங்கள் ஆகியவற்றில் 31.12.2022-இல் முழுமையாக தவணை தவறி நிலுவையில் உள்ள கடன்களுக்கு சிறப்பு கடன் தீா்வு திட்டம் 2023 செயல்படுத்தப்பட்டு வருகிறது.

இந்தத் திட்டத்தின் கீழ் கடனைத் தீா்வு செய்வதற்காக 12.09.2024-க்கு முன்பு 25 சதவீத தொகையைச் செலுத்தி ஒப்பந்தம் மேற்கொள்ளாதவா்களும், ஒப்பந்தம் மேற்கொண்டும் எஞ்சிய 75 சதவீத தொகையை செலுத்தாதவா்களுக்கும், தற்போது மொத்த கடன் தொகையையும் (நிலுவை - தீா்வு செய்யும் நாள் வரை 9 சதவீத சாதாரண வட்டி) ஒரே தவணையில் செலுத்தி தங்கள் கடன்களை தீா்வு செய்து கொள்ளலாம்.

மேலும், இந்த சிறப்புத் திட்டத்தின் கீழ் மேற்கூறிய கடன்கள் மட்டுமின்றி 31.12.2022-இல் முழுமையாக தவணை தவறி மூன்றாண்டுகளுக்கு மேலான (அதாவது 31.12.2019-க்கு முன்பு தவணை தவறிய) மத்திய கால வேளாண் கடன்கள், பயிா் கடனாக வழங்கப்பட்டு, மத்தியகால வேளாண் கடனாக மாற்றம் செய்யப்பட்ட கடன்கள்கள், பண்ணை சாா்ந்த நீண்டகால கடன்கள், சிறுதொழில் கடன்கள் (எஸ்எஸ்ஐ) மற்றும் மகளிா் தொழில் முனைவோா் கடன்கள் ஆகிய கடன்களையும் தீா்வு செய்யும் நாள் வரையில் 9 சதவீத சாதாரண வட்டியுடன் நிலுவைத் தொகையை 12.03.2025-க்குள் ஒரே தவணையில் செலுத்தி தீா்வு செய்து கொள்ளலாம்

தவணை தவறிய அந்தக் கடன்களுக்கான கூடுதல் வட்டி, அபராத வட்டி, இதர செலவீனங்கள் முழுமையாக தள்ளுபடி செய்யப்படும். கடன்தாரா்களின் வட்டி சுமையைக் கணிசமாகக் குறைக்கும் இந்த வாய்ப்பைப் பயன்படுத்தி, 9 சதவீத சாதாரண வட்டி விகித்த்தில் நிலுவைத் தொகையை ஒரே தவணையில் செலுத்தி, தங்களது கடன்களை தீா்வு செய்து, பயன்பெறுமாறு பொதுமக்களை கேட்டுக் கொள்வதாக அதில் அவா் தெரிவித்துள்ளாா்.