இயக்குநர் டேவிட் ஃபிஞ்சர் தன் புதிய படத்தின் படப்பிடிப்பைத் துவங்கியுள்ளார்.
ஹாலிவுட்டின் பிரபல இயக்குநர்களான குயிண்டன் டாரண்டினோ மற்றும் டேவிட் ஃபிஞ்சர் இணைந்து புதிய படத்தை உருவாக்கத் திட்டமிட்டிருந்தனர்.
டாரண்டினோ இயக்கத்தில் வெளியாகி ஆஸ்கர் வென்ற ஒன்ஸ் அபான் ஏ டைம் இன் ஹாலிவுட் (once upon a time in hollywood) படத்தின் தொடர்ச்சியாக உருவாகவுள்ள இப்படத்திற்கு ஒன்ஸ் அபான் ஏ டைம் இன் ஹாலிவுட்: அட்வென்சர் ஆஃப் கிளிப் பூத் (once upon a time in hollywood: adventures of cliff booth) எனப் பெயரிட்டுள்ளனர்.
படத்தின் கதையை குயிண்டன் டாரண்டினோ எழுத, இயக்குநர் டேவிட் ஃபிஞ்சர் இப்படத்தை இயக்குகிறார். படத்தின் நாயகனாக நடிகர் பிராட் பிட் நடிக்கிறார்.
தற்போது, இப்படத்தின் படப்பிடிப்பு துவங்கியுள்ளதாகத் தகவல்கள் தெரிவிக்கின்றன. எஃப் 1 படத்தில் சிறப்பாக நடித்திருந்த பிராட் பிட்டின் இப்படத்திற்காகவும் ரசிகர்கள் ஆவலாகக் காத்திருக்கின்றனர்.
இதையும் படிக்க: எதற்கும் துணிந்தவன் வசூலை வேறு எந்த சூர்யா படங்களும் தாண்டவில்லை: பாண்டிராஜ்
