3-ஆவது சுற்றில் ஸ்வெரெவ், ரூட்

கனடா ஓபன் டென்னிஸ் போட்டியில் முன்னணி வீரா்களான ஜொ்மனியின் அலெக்ஸாண்டா் ஸ்வெரெவ், நாா்வேயின் கேஸ்பா் ரூட் உள்ளிட்டோா் 3-ஆவது சுற்றுக்கு முன்னேறினா்.

ஆடவா் ஒற்றையா் 2-ஆவது சுற்றில், போட்டித்தரவரிசையில் முதலிடத்தில் இருக்கும் ஸ்வெரெவ் 7-6 (8/6), 6-4 என்ற செட்களில் ஆஸ்திரேலியாவின் ஆடம் வால்டனை வீழ்த்தினாா். அடுத்து அவா், இத்தாலியின் மேட்டியோ அா்னால்டியை எதிா்கொள்கிறாா்.

போட்டித்தரவரிசையில் 32-ஆம் இடத்திலிருக்கும் அா்னால்டி 6-3, 3-6, 6-3 என்ற செட்களில், ஆஸ்திரேலியாவின் டிரிஸ்டன் ஸ்கூல்கேட்டை வீழ்த்தி 3-ஆவது சுற்றுக்கு வந்துள்ளாா். 8-ஆம் இடத்திலிருக்கும் கேஸ்பா் ரூட் 6-3, 6-3 என்ற நோ் செட்களில் மிக எளிதாக, ரஷியாவின் ரோமன் சஃபியுலினை சாய்த்தாா். 3-ஆவது சுற்றில் போா்ச்சுகலின் நுனோ போா்ஜஸை சந்திக்கிறாா் ரூட்.

10-ஆம் இடத்திலிருக்கும் ரஷியாவின் டேனியல் மெத்வதெவ் 7-6 (7/3), 6-4 என்ற வகையில் செக் குடியரசின் டாலிபோா் ஸ்வா்சினாவை தோற்கடித்தாா். அடுத்த சுற்றில் அவா், ஆஸ்திரேலியாவின் அலெக்ஸி பாபிரினுடன் மோதுகிறாா். 14-ஆம் இடத்திலிருக்கும் ஆா்ஜென்டீனாவின் ஃபிரான்சிஸ்கோ செருண்டோலோ 7-6 (7/4), 4-6, 6-4 என ஸ்பெயினின் ஜேமி முனாரை வென்றாா்.

இதனிடையே, போட்டித்தரவரிசையில் 16-ஆம் இடத்திலிருந்த செக் குடியரசின் தாமஸ் மசாக் 6-7 (5/7), 7-6 (7/5), 3-6 என்ற செட்களில், அமெரிக்காவின் ரெய்லி ஒபெல்காவிடமும், 22-ஆம் இடத்திலிருந்த கனடாவின் டெனிஷ் ஷபோவலோவ் 6-7 (4/7), 5-7 என அமெரிக்காவின் லோ்னா் டியெனிடமும் தோல்வியுற்றனா். பிரான்ஸின் காரென்டின் மௌடெட் 3-ஆவது சுற்றுக்கு முன்னேற, நெதா்லாந்தின் டாலன் கிரீக்ஸ்பூா் 2-ஆவது சுற்றிலேயே வீழ்ந்தாா்.

கௌஃப், ரைபகினா முன்னேற்றம்

இப்போட்டியின் மகளிா் ஒற்றையா் பிரிவு 2-ஆவது சுற்றில், போட்டித்தரவரிசையில் முதலிடத்தில் இருக்கும் அமெரிக்காவின் கோகோ கௌஃப் 7-5, 4-6, 7-6 (7/2) என்ற செட்களில், சக நாட்டவரான டேனியல் காலின்ஸை தோற்கடித்தாா். அடுத்து அவா், ரஷியாவின் வெரோனிகா குதா்மிடோவாவை எதிா்கொள்கிறாா்.

9-ஆம் இடத்திலிருக்கும் கஜகஸ்தானின் எலனா ரைபகினா 6-4, 6-3 என்ற கணக்கில் ஹேலி பாப்டிஸ்டேவை வெளியேற்றினாா். 3-ஆவது சுற்றில் அவா், ருமேனியாவின் ஜாக்குலின் கிறிஸ்டியனுடன் மோதுகிறாா். 12-ஆம் இடத்திலிருந்த ரஷியாவின் எகாடெரினா அலெக்ஸாண்ட்ரோவா 6-1, 2-6, 4-6 என சீனாவின் லின் ஜுவிடம் அதிா்ச்சித் தோல்வி கண்டாா்.

அதேபோல், 14-ஆம் இடத்திலிருந்த மற்றொரு ரஷியரான டயானா ஷ்னெய்டரும் 2-6, 6-7 (5/7) என செக் குடியரசின் மேரி புஸ்கோவாவிடம் வீழ்ந்தாா். போட்டித்தரவரிசையில் 7-ஆம் இடத்திலிருந்த இத்தாலியின் ஜாஸ்மின் பாலினி 6-2, 5-7, 6-7 (5/7) என ஜப்பானின் ஆய் இடோவிடம் தோல்வியுற்றாா்.

அண்மையில் வாஷிங்டன் ஓபன் டென்னிஸில் சாம்பியன் பட்டம் வென்ற கையோடு இந்தப் போட்டிக்கு வந்தவரும், உள்நாட்டு வீராங்கனையுமான லெய்லா ஃபொ்னாண்டஸ் 4-6, 1-6 என ஆஸ்திரேலியாவின் மாயா ஜாய்ன்டிடம் தனது முதல் சுற்றிலேயே அதிா்ச்சித் தோல்வி கண்டாா்.