குழித்துறை அருகே முன்விரோதம் காரணமாக தம்பதியை தாக்கியதாக இளைஞரை போலீஸாா் கைது செய்தனா்.
குழித்துறை அருகேயுள்ள பழவாா் ராமன்செம்பருத்திவிளை பகுதியைச் சோ்ந்தவா் சுந்தர்ராஜ் (75). கூலித் தொழிலாளி. இவரது குடும்ப அய்யாபதியில் அண்மையில் திருவிழா நடந்தபோது அங்கு வந்த அப்பகுதியைச் சோ்ந்த பரந்தாமன் (32) என்பவா் தகராறில் ஈடுபட்டாராம்.
இதை சுந்தர்ராஜ் தட்டிக் கேட்டதால் ஆத்திரமடைந்த பரந்தாமன், வெட்டுக்கத்தியால் சுந்தர்ராஜை வெட்டியுள்ளாா். தடுக்க வந்த அவரது மனைவி ரோசம்மாளுக்கும் (70) வெட்டு விழுந்தது.
இதில் பலத்த காயமடைந்த தம்பதியை அப்பகுதியினா் மீட்டு, குழித்துறை அரசு மருத்துவமனையில் சோ்த்தனா். அங்கிருந்து மேல்சிகிச்சைக்காக திருவனந்தபுரம் தனியாா் மருத்துவமனைக்கு கொண்டு செல்லப்பட்டனா்.
இது குறித்து களியக்காவிளை போலீஸாா் வழக்குப் பதிந்து, பரந்தாமனை கைது செய்து சிறையில் அடைத்தனா்.
