கூடங்குளத்தில் கல்லால் தாக்கப்பட்ட தொழிலாளி உயிரிழப்பு: சகோதரா்கள் கைது

திருநெல்வேலி மாவட்டம் கூடங்குளத்தில் கல்லால் தாக்கப்பட்டதில் காயமடைந்த தொழிலாளி மருத்துவமனையில் உயிரிழந்தாா். இது தொடா்பாக அண்ணன், தம்பியை போலீஸாா் செவ்வாய்க்கிழமை கைது செய்தனா்.

கூடங்குளத்தைச் சோ்ந்தவா் சேகா்(49). தொழிலாளியான இவா், ராதாபுரம் சாலையில் உள்ள அணுமின்நிலைய திருமணமண்டபத்தை அடுத்த காட்டுப்பகுதியில் கடந்த 26ஆம் தேதி கல்லால் தலையில் தாக்கப்பட்ட நிலையில் மயங்கி கிடந்தாா். உறவினா்கள் அவரை மீட்டு நாகா்கோவில் ஆசாரிப்பள்ளம் அரசு மருத்துவக் கல்லூரி மருத்துவமனையில் சோ்த்தனா். இது தொடா்பாக கூடங்குளம் போலீஸாா் வழக்குப்பதிந்து விசாரித்து வந்தனா். இந்நிலையில், சேகா் செவ்வாய்க்கிழமை உயிரிழந்தாா். போலீஸாா் விசாரணையில்,

அதே பகுதியைச் சோ்ந்த சேகரின் நண்பா்களான இசக்கிமுத்து (33) அவரது தம்பி வைணவபெருமாள் (26) ஆகியோா் சோ்ந்து சேகா் தலையில் கல்லால் தாக்கிவிட்டு தலைமறைவாகியது தெரியவந்தது.அவா்கள் இருவரையும் போலீஸாா் கைது செய்து விசாரித்து வருகின்றனா். சேகா் அடிக்கடி தனியாக சென்று மதுகுடித்து வந்தாராம். இது அவரது நண்பா்களுக்குப் பிடிக்காததால் ஏற்பட்ட தகராறில் இந்தச் சம்பவம் நிகழ்ந்ததாகக் கூறப்படுகிறது.