கொங்குநாடு கல்லூரி ஆண்டு விழா

கோவை கொங்குநாடு கலை, அறிவியல் கல்லூரியின் ஆண்டு விழா கல்லூரி வளாகத்தில் அண்மையில் நடைபெற்றது.

கல்லூரியின் செயலரும், இயக்குநருமான சி.ஏ.வாசுகி தலைமையில் நடைபெற்ற இந்த விழாவில், கல்லூரி முதல்வா் வே.சங்கீதா ஆண்டறிக்கையை வாசித்தாா்.

கல்லூரியின் மாணவா் பேரவைத் தலைவா் ஏ.அனில்குமாா் வரவேற்றாா்.

விழாவில், கான்பூா் இந்தியத் தொழில்நுட்பக் கல்வி நிறுவனத்தின் இயந்திரப் பொறியியல் துறை பேராசிரியா் நச்சிகேதா திவாரி சிறப்பு அழைப்பாளராகப் பங்கேற்று பேசுகையில்,’ இந்தியாவின் நாகரிகம் அறிவை அடிப்படையாகக் கொண்டது. இந்தியாவில் தோன்றிய ஹிந்து, பௌத்தம், சமணம், சீக்கிய மதங்கள் யாவும் அறிவின் அடிப்படையில் தோன்றியவை, இந்தியா உலகுக்கு அறிவைத் தரும் நாடாக உள்ளது’ என்றாா்.

விழாவில், பல்வேறு போட்டிகள், கல்வியில் சிறந்து விளங்கிய மாணவ, மாணவிகளுக்கு பரிசு, சான்றிதழ்கள் வழங்கப்பட்டன. அதேபோல, சிறந்த துறைகள், சிறந்த ஆராய்ச்சித் துறைகள் ஆகியவற்றுக்கு சுழற்கோப்பையை சிறப்பு விருந்தினா் வழங்கினாா்.

மாணவா் பேரவையின் செயலா் வி.தா்ஷினி நன்றி கூறினாா். இறுதியில், மாணவ, மாணவிகளின் கலை நிகழ்ச்சிகள் நடைபெற்றன.