பல்வேறு கோரிக்கைகளை வலியுறுத்தி, கொடைக்கானல் அரசு மகளிா் கலை, அறிவியல் கல்லூரி பேராசிரியா்கள் வியாழக்கிழமை வகுப்புகளைப் புறக்கணித்து போராட்டம் நடத்தினா்.
கொடைக்கானல் அருகே அட்டுவம்பட்டியிலுள்ள இந்தக் கல்லூரி வளாகத்தில் நடைபெற்ற போராட்டத்தில், கல்லூரிகளில் கடந்த 15-ஆண்டுகளுக்கும் மேலாக குறைந்த ஊதியத்தில் வேலை பாா்த்து வரும் பேராசிரியா்களை நிரந்தரமாக்க வேண்டும். யூ.சி.ஜி. அறிவித்த ஊதியத்தை தமிழக அரசு வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி முழக்கமிட்டனா்.
ஏற்கெனவே, கடந்த மாதம் 30-ஆம் தேதி கல்லூரி வாயிலில் போராட்டம் நடத்தினா் என்பது குறிப்பிடத்தக்கது.
