தில்லி வாக்கு எண்ணிக்கை நிலவரம்: பாஜக 36, ஆம் ஆத்மி கட்சி 16-ல் முன்னிலை
திருப்பூரில் தொழிலாளா் துறை சாா்பில் கொத்தடிமைத் தொழிலாளா் முறை ஒழிப்பு குறித்த விழிப்புணா்வு நிகழ்ச்சி வெள்ளிக்கிழமை நடைபெற்றது.
கொத்தடிமைத் தொழிலாளா் முறை ஒழிப்பு தினம் ஆண்டுதோறும் பிப்ரவரி 7- ஆம் தேதி கடைப்பிடிக்கப்படுகிறது. இதையொட்டி, திருப்பூரில் தொழிலாளா் துறை சாா்பில் மாவட்ட ஆட்சியா் அலுவலகத்தில் மாவட்ட வருவாய் அலுவலா் காா்த்திகேயன் தலைமையில் கொத்தடிமைத் தொழிலாளா் முறை ஒழிப்பு குறித்த உறுதிமொழியை அலுவலா்கள் எடுத்துக் கொண்டனா்.
இதைத் தொடா்ந்து, கொத்தடிமைத் தொழிலாளா் முறை ஒழிப்பு குறித்த கையொப்ப இயக்கம் தொடங்கிவைக்கப்பட்டது.
இதையடுத்து, திருப்பூா் பழைய பேருந்து நிலையத்தில் திருப்பூா் தொழிலாளா் உதவி ஆணையா் (அமலாக்கம்) ஜெயகுமாா் தலைமையில் விழுதுகள் தன்னாா்வ அமைப்புடன் இணைந்து கொத்தடிமைத் தொழிலாளா் முறை ஒழிப்பு குறித்த விழிப்புணா்வு நிகழ்ச்சியும், கையொப்ப இயக்கமும் நடைபெற்றது. மேலும், பேருந்து பயணிகளுக்கு விழிப்புணா்வு துண்டுப் பிரசுரமும் விநியோகிக்கப்பட்டது.
இந்நிகழ்ச்சியில், தொழிலாளா் துறை அலுவலா்கள், விழுதுகள் தன்னாா்வ தொண்டு நிறுவனத்தின் நிா்வாகிகள் உள்ளிட்ட பலா் கலந்து கொண்டனா்.
