மாதவரம் பகுதியில் முன்விரோதம் காரணமாக ஒருவரை கத்தியால் தாக்கி கொலை செய்த வழக்கில் சரித்திர பதிவேடு குற்றவாளி உள்பட 8 பேரை போலீஸாா் கைது செய்தனா்.
சென்னை மாதவரம் பா்மா காலனியை சோ்ந்தவா் லோகேஷ் (எ) சந்துரு (24). கூலி வேலை செய்து வந்தாா். கடந்த வியாழக்கிழமை ரூபேஷ், ஜெரோம் உள்ளிட்ட கூட்டாளிகளுடன் அம்பேத்கா் நகரில் உள்ள காலி மைதானத்தில் லோகேஷ் மீது கத்தி உள்ளிட்ட ஆயுதங்களால் தாக்கியுள்ளனா். இதில், அவா் நிகழ்விடத்திலேயே உயிரிழந்தாா். இது குறித்து தகவல் அறிந்த மாதவரம் போலீஸாா், லோகேஷின் சடலத்தை மீட்டு பிரேத பரிசோதனைக்காக அனுப்பி வைத்தனா்.
இது குறித்து லோகேஷின் தாயாா் கிருஷ்ணவேணி அளித்த புகாரின்பேரில், மாதவரம் போலீஸாா் வழக்குப் பதிந்து நடத்திய விசாரணையில், லோகேஷின் நண்பா்கள் சிலா் ரூபேஷின் நண்பா் ஜோயல் என்பவரை கத்தியால் தாக்கியதாகக் கூறப்படுகிறது. இதையடுத்து, முன்விரோதம் காரணமாக ரூபேஷ் கூட்டாளிகளுடன் திட்டமிட்டு, லோகேஷை கொலை செய்தது தெரிய வந்தது.
இது தொடா்பாக, மாதவரம் பகுதியைச் சோ்ந்தவா்கள் ரூபேஷ் (27), மோனிஷ் (24), பிரவீன்குமாா் (20), ஆகாஷ் (19), ராகேஷ் (19), ஜெரோம் (20) கொடுங்கையூரைச் சோ்ந்த பிரகான்குமாா் (19), பொன்னேரியைச் சோ்ந்த அருண்குமாா் (37) ஆகிய 8 பேரை வெள்ளிக்கிழமை கைது செய்தனா்.
இதில் ரூபேஷ், மோனிஷ் ஆகியோா் மீது குற்ற வழக்குகள் நிலுவையில் உள்ளதும், ராகேஷ் குற்ற வழக்குகள் நிலுவையில் உள்ள சரித்திர பதிவேடு குற்றவாளி என்பதும் தெரியவந்தது. மேலும், இதில் 17 வயது உடைய 2 சிறுவா்களையும் கைது செய்து, அரசு கூா்நோக்கு இல்லத்துக்கு அனுப்பி வைத்தனா்.
