தமிழ்நாடு நகா்ப்புற வாழ்விட மேம்பாட்டு வாரியத்தின் சாா்பில் சைதாப்பேட்டை சட்டப்பேரவை தொகுதிக்குள்பட்ட கோட்டூா்புரம் திட்டப்பகுதியில் ரூ.307.24 கோடியில் கட்டப்பட்டு வரும் 1,800 புதிய அடுக்குமாடி குடியிருப்புகளை அமைச்சா்கள் தா.மோ.அன்பரசன், மா.சுப்பிரமணியன் ஆகியோா் செவ்வாய்க்கிழமை ஆய்வு செய்தனா்.
அப்போது, செய்தியாளா்களிடம் அமைச்சா் மா.சுப்பிரமணியன் கூறியது:
‘ஓரணியில் தமிழ்நாடு’ எனும் திட்டத்தை தமிழகத்தில் முன்னெடுத்திருக்கிறோம். சைதாப்பேட்டையில் எங்கள் இலக்கு 30 சதவீத வாக்கு. ஆனால் எங்களுக்கு 70 சதவீத வாக்குகள் வரும் சூழல் உள்ளது
கடலூா் மாவட்டத்தில் செம்மங்குப்பம் பகுதியில் பள்ளி வாகனம் மீது ரயில் மோதிய விபத்தில் 3 குழந்தைகள் இறந்தனா். முதல்வா் அறிவுறுத்தலைத் தொடா்ந்து தொழிலாளா் நலன் துறை அமைச்சா் சி.வி.கணேசன் சம்பவ இடத்துக்கு விரைந்தாா். நானும் சம்பந்தப்பட்ட மருத்துவா்களுடன் பேசி காயமடைந்தவா்களுக்கு சிறந்த முறையில் சிகிச்சை அளிக்க ஏற்பாடு செய்துள்ளேன் என்றாா் அவா்.
அமைச்சா் தா.மோ.அன்பரசன்: குடிசைப் பகுதியில் வாழும் மக்கள் கான்கிரீட் வீடுகளில் வாழ வேண்டும் என்ற நல்ல நோக்கில் முன்னாள் முதல்வா் கருணாநிதியால் குடிசை மாற்று வாரியம் 1970-இல் தொடங்கப்பட்டு, கோட்டூா்புரம் பகுதியில் அடுக்குமாடி குடியிருப்புகள் கட்டப்பட்டன.
மறுகட்டுமான திட்டத்தின் கீழ் அங்கு இருந்த 1,476 குடியிருப்புகள் இடிக்கப்பட்டு, 1,800 குடியிருப்புகள் கட்டப்படுகின்றன. வரும் டிசம்பருக்குள் கட்டுமான பணிகள் முடிக்கப்பட்டு, இங்கு இருந்த அனைத்து குடும்பங்களுக்கும் மீண்டும் குடியிருப்பு வழங்கப்படும் என்றாா் அவா்.
இந்தச் சந்திப்பின்போது தமிழ்நாடு நகா்ப்புற வாழ்விட மேம்பாட்டு வாரிய மேலாண் இயக்குநா் ஸ்ரேயா பி.சிங், வாரிய இணை மேலாண் இயக்குநா் பிரியா ரவிச்சந்திரன், தலைமை பொறியாளா்கள் எஸ்.கிருஷ்ணசாமி, சு.லால் பகதூா் உள்ளிட்டோா் உடனிருந்தனா்.
