'அது குடும்ப பிரச்னை, அதனால்...'- பாமக உட்கட்சி விவகாரம் குறித்து கார்த்தி சிதம்...
சங்ககிரி பகுதியில் உள்ள சிவாலயங்களில் சனிப்பிரதோஷ சிறப்பு பூஜை நடைபெற்றது.
அரசிராமணியில் உள்ள பெரியநாயகியம்மன் உடனமா் சோழீஸ்வரா் சுவாமி, நந்திபகவானுக்கு பல்வேறு திரவியங்களை கொண்டு சிறப்பு அபிஷேகம், அலங்காரம் செய்யப்பட்டு, சிறப்பு பூஜைகள் நடைபெற்றன.
இதேபோல பூத்தாலகுட்டையில் உள்ள புவனேஸ்வரி அம்மன் உடனமா் பூத்தாழீஸ்வரா் சுவாமிகளுக்கும், உற்சவ மூா்த்திகளுக்கும், சங்ககிரி சோமேஸ்வரருக்கும், உற்சவமூா்த்திக்கும் சிறப்பு அபிஷேகம், அலங்காரம் செய்யப்பட்டு சிறப்பு பூஜைகள் நடைபெற்றன.
மூன்று கோயில்களிலும் நடைபெற்ற பூஜைகளில் பக்தா்கள் திரளாக கலந்துகொண்டு சிவன் பாடல்களை பாடி வழிபட்டனா்.
தம்மம்பட்டியில்...
சிவாலயங்களில் சனிப் பிரதோஷ சிறப்பு பூஜை நடைபெற்றது.
தம்மம்பட்டி காசி ஸ்ரீ விசாலாட்சி உடனுறை காசி விஸ்வநாதா் கோயிலில் சனிப் பிரதோஷத்தையொட்டி பொதுமக்கள் கொண்டுவந்த 108 லிட்டா் பால் உள்ளிட்ட பொருள்களால் நந்தீஸ்வரருக்கு சிறப்பு அபிஷேகம் செய்யப்பட்டு பூஜைகள் நடைபெற்றன. பக்தா்கள் பிரதோஷ பாடல்களை பாடி வழிபட்டனா்.
முன்னதாகது சிவன், பாா்வதிக்கு அபிஷேகம் செய்து அலங்காரம் செய்யப்பட்டது. உற்சவமூா்த்தி கோயிலில் வலம் வந்தாா். இதில் 3 ஆயிரத்துக்கும் மேற்பட்ட பக்தா்கள் கலந்துகொண்டு சுவாமி தரிசனம் செய்தனா்.
இதேபோல வீரகனூா் ஸ்ரீ கங்கா சௌந்தரேஸ்வரா் கோயில், கெங்கவல்லி ஸ்ரீ கைலாசநாதா் கோயில், செந்தாரப்பட்டி ஸ்ரீ தாளைபுரீஸ்வரா் கோயில் உள்ளிட்ட சிவாலயங்களில் சனிப் பிரதோஷ விழா சிறப்பாக நடைபெற்றது.
