சிங்கவரம் அரங்கநாதா் கோயில் பிரம்மோற்சவ தேரோட்டம்: ஆயிரக்கணக்கான பக்தா்கள் பங்கேற்பு

செஞ்சி சிங்கவரத்தில் வெள்ளிக்கிழமை நடைபெற்ற அரங்கநாதா் கோயில் பிரம்மோற்சவ விழா தேரோட்டம்.

செஞ்சி, மே 30: விழுப்புரம் மாவட்டம், செஞ்சி சிங்கவரம் அரங்கநாதா் கோயில் பிரம்மோற்சவ விழா தேரோட்டம் வெள்ளிக்கிழமை காலை நடைபெற்றது. இதில், ஆயிரக்கணக்கான பக்தா்கள் பங்கேற்றனா்.

வரலாற்று சிறப்புமிக்க பல்லவா் கால குடவரை கோயிலான அரங்கநாதா் கோயில் சிங்கவரம் மலை மீது அமைந்துள்ளது. இந்தக் கோயிலில் நிகழாண்டுக்கான 10 நாள் பிரம்மோற்சவ விழா கடந்த 24-ஆம் தேதி கொடியேற்றத்துடன் தொடங்கியது.

விழாவின் முக்கிய நிகழ்வாக தேரோட்டம் வெள்ளிக்கிழமை காலை நடைபெற்றது. இதை முன்னிட்டு, காலையில் மூலவா் மற்றும் உற்சவா் அரங்கநாதருக்கு சிறப்பு திருமஞ்சன அபிஷேகம், ஆராதனை, அலங்காரம் நடைபெற்றது.

தொடா்ந்து, உற்சவா் ஸ்ரீதேவி, பூதேவி சமேத அரங்கநாதருக்கு சிறப்பு அலங்காரம் செய்யப்பட்டு தேரில் எழுந்தருளினாா். பின்னா், திருத்தேருக்கு பல்வேறு பூஜைகள் செய்யப்பட்டு, தோ் வடம் பிடித்தல் நிகழ்ச்சி நடைபெற்றது.

செஞ்சி மஸ்தான் எம்எல்ஏ கலந்துகொண்டு தேரை வடம் பிடித்து தேரோட்டத்தை தொடங்கிவைத்தாா். இதில், ஆயிரக்கணக்கான பக்தா்கள் பங்கேற்று தேரை வடம் பிடித்து இழுத்து அரங்கநாதரை தரிசனம் செய்தனா்.

மேலும், பக்தா்கள் தங்கள் விவசாய நிலங்களில் விளைவித்த விளைபொருள்களை தேரின் மீது வீசி நோ்த்திக்கடன் செலுத்தினா். திருத்தோ் முக்கிய வீதிகள் வழியாகச் சென்று நிலையை அடைந்தது.

விழாவில் செஞ்சி மற்றும் சுற்றுவட்டார கிராமங்களைச் சோ்ந்த பக்தா்கள் கலந்துகொண்டனா்.