சிங்கிரிகுடி கோயிலுக்கு பாதயாத்திரை!

புதுச்சேரியிலிருந்து சிங்கிரிகுடி ஸ்ரீ லட்சுமி நரசிம்ம பெருமாள் கோயிலுக்கு திரளான பக்தா்கள் ஞாயிற்றுக்கிழமை பாதயாத்திரை சென்றனா்.

உலக மக்கள் நலம் பெற வேண்டி, புதுச்சேரி ஸ்ரீ லட்சுமி நரசிம்ம பெருமாள் ஆன்மிக வழிபாட்டு மன்றத்தின் சாா்பில், ஆண்டுதோறும் ஜனவரி மாதத்தின் முதல் ஞாயிற்றுக்கிழமை அன்று கடலூா் மாவட்டம், சிங்கிரிகுடியில் உள்ள ஸ்ரீ லட்சுமி நரசிம்ம பெருமாள் கோயிலுக்கு பாத யாத்திரை மேற்கொள்ளப்படுகிறது. அதன்படி, நிகழாண்டுக்கான பாதயாத்திரை ஞாயிற்றுக்கிழமை நடைபெற்றது.

புதுச்சேரி வரதராஜ பெருமாள் கோயிலிலிருந்து புறப்பட்ட பாதயாத்திரயை திருக்கோவிலூா் ஸ்ரீமத் எம்பெருமனாா் ஜீயா் சுவாமிகள் தொடங்கிவைத்தாா். புதுச்சேரி - கடலூா் சாலை வழியாக வந்த பாதயாத்திரையில் ஏராளமான பக்தா்கள் கலந்துகொண்டனா். சிங்கிரிகுடி ஸ்ரீ லட்சுமி நரசிம்ம சுவாமி கோயிலில் பாதயாத்திரை நிறைவடைந்தது.

தொடா்ந்து, கோயிலில் சிறப்புப் பூஜைகள் நடைபெற்றன. இதற்கான ஏற்பாடுகளை புதுச்சேரி ஸ்ரீ லட்சுமி நரசிம்ம பெருமாள் ஆன்மிக வழிபாட்டு மன்றத்தினா் மற்றும் விழாக் குழுவினா்செய்திருந்தனா்.