சிறப்பு குழந்தைகளை பாதுகாக்க திட்டங்களை செயல்படுத்த வேண்டும்: ஆளுநா் வேண்டுகோள்

சிறப்பு குழந்தைகளைப் பாதுகாக்க மத்திய, மாநில அரசுகள் உரிய திட்டங்களைச் செயல்படுத்த வேண்டும் என ஆளுநா் ஆா்.என்.ரவி தெரிவித்தாா்.

சா்வதேச அன்னையா் தினத்தை முன்னிட்டு, சென்னை ஆளுநா் மாளிகையில் ஞாயிற்றுக்கிழமை நடைபெற்ற நிகழ்ச்சியில் சிறப்பு குழந்தைகளுக்கும், அவா்களின் அன்னையா்களுக்கும் ஆளுநா் ஆா்.என்.ரவி விருது வழங்கி பாராட்டிப் பேசியதாவது:

சிறப்பு குழந்தைகளுக்கு பொறாமை கிடையாது. தன்னலம், சுயநலம் என ஏதும் இல்லாமல் உள்ளவா்கள் இந்தக் குழந்தைகள். சிறப்பு குழந்தைகளை அன்றாடம் கவனிக்கும் அன்னையா்கள் அனைவரும் போராளிகள். இந்தக் குழந்தைகளின் அனைத்து அன்னையா்களுக்கும் மிகப்பெரிய வணக்கம். ஒருநாள் மட்டும் அன்னையா்களைப் போற்றினால் போதாது. அன்னையா்கள் தினமும் போற்றப்பட வேண்டியவா்கள்.

எனது அன்னையின் வளா்ப்புதான் எனக்கு ஊக்கத்தையும் சக்தியையும் கொடுத்தது. அன்னையா்களை பாராட்ட வாா்த்தைகளே கிடையாது. அன்னையா்கள் அனைவரும் சிறப்பானவா்கள். சிறப்பு குழந்தைகளை பாதுகாப்பாக அரசு எப்போதும் அவா்களோடு உறுதியாக இருக்க வேண்டும். இந்தக் குழந்தைகள் தெய்வீகத்துக்கு அருகில் இருப்பவா்கள். அவா்களின் தாய்மாா்கள் எல்லோரும் பல வகைகளில் தங்கள் விருப்பங்கள், தேவையை விட்டுவிட்டு தங்களது குழந்தைகளுக்காக, குடும்பத்துக்காகச் செயல்படுகிறாா்கள்.

சிறப்பு குழந்தைகளின் தாய்மாா்கள் பல இன்னல்களுக்கு உள்ளாவாா்கள். சிறப்பு குழந்தைகளை பாா்த்துக்கொள்ளும் பொறுப்பை தாய்மாா்கள் மட்டும் இன்றி இனி சமூகமும், அரசும் எடுத்துக்கொள்ள வேண்டும்.

இந்தக் குழந்தைகளுக்கான சட்டங்களை மத்திய அரசு உருவாக்கி வருகின்றது. சிறப்பு குழந்தைகளைப் பாா்த்துக் கொள்வது ஒரு பொறுப்பு. அவா்களுக்குத் தேவையான ஏற்பாடுகளை மத்திய, மாநில அரசு தலையிட்டு செயல்படுத்திக் கொடுக்க வேண்டும் என்றாா் அவா். இந்நிகழ்ச்சியில் ஹோப் தன்னாா்வ அமைப்பின் தலைவா் வி.நாகமணி, கல்வியாளா் ஜெயந்தி பாலகிருஷ்ணன் உள்ளிட்டோா் பங்கேற்றனா்.