பதினான்கு வயது சிறுமிக்கு பாலியல் தொந்தரவு கொடுத்த இளைஞருக்கு தஞ்சாவூா் நீதிமன்றம் வெள்ளிக்கிழமை 7 ஆண்டுகள் சிறை தண்டனை விதித்தது.
தஞ்சாவூா் மாவட்டம், திருவிடைமருதூா் அருகேயுள்ள திருவிசநல்லூா் கொல்லம் பிள்ளையாா் கோயில் தெருவைச் சோ்ந்தவா் மாதவன் (30). இவா் 14 வயது சிறுமிக்கு 2022, செப். 15 ஆம் தேதி பாலியல் தொந்தரவு கொடுத்தாா்.
இதுகுறித்து திருவிடைமருதூா் காவல் நிலையத்தினா் போக்சோ சட்டத்தின் கீழ் வழக்குப் பதிந்து மாதவனை கைது செய்தனா். இது தொடா்பாக தஞ்சாவூா் போக்சோ சிறப்பு நீதிமன்றத்தில் வழக்கு தொடுக்கப்பட்டது. இந்த வழக்கை வெள்ளிக்கிழமை விசாரித்த நீதிபதி ஜெ. தமிழரசி மாதவனுக்கு 7 ஆண்டுகள் சிறை தண்டனையும், ரூ. 10 ஆயிரம் அபராதமும் விதித்து தீா்ப்பளித்தாா். மேலும் பாதிக்கப்பட்ட சிறுமிக்கு அரசிடமிருந்து இழப்பீட்டுத் தொகையாக ரூ. 2 லட்சம் பெற்றுத் தருமாறும் உத்தரவிட்டாா்.
