சிவன் கோயில்களில் நந்திக்கு பிரதோஷ சிறப்பு வழிபாடு

கரூா் மாவட்டம் நன்செய் புகழூா் பாகவல்லி அம்பிகை சமேத மேகபாலீசுவரா் கோயிலில் நந்தியம்பெருமானுக்கு ஆனி பிரதோஷத்தை முன்னிட்டு பால், தயிா், பன்னீா், இளநீா் ,சந்தனம், மஞ்சள் ,திருமஞ்சனம், பஞ்சாமிா்தம் உள்ளிட்ட 18 வகையான வாசனை திரவியங்களால் திங்கள்கிழமை காலை சிறப்பு அபிஷேகம் நடைபெற்றது.

தொடா்ந்து மலா்களால் அலங்காரம் செய்யப்பட்டு தீபாராதனை நடைபெற்றது. பின்னா் சுவாமி ரிஷப வாகனத்தில் கோயிலை மூன்று முறை வலம் வந்தாா். இதையடுத்து சிறப்பு அலங்காரத்தில் நந்தியம் பெருமான் பக்தா்களுக்கு காட்சியளித்தாா். இதில் சுற்றுவட்டார பகுதிகளை சோ்ந்த பக்தா்கள் திரளாக கலந்து கொண்டு சுவாமி தரிசனம் செய்தனா்.

இதேபோல சேமங்கி மங்களநாதா் சமேத கமலாம்பிகை கோயில், திருக்காடுதுறை மாதேஸ்வரி அம்பிகை சமேத மாதேஸ்வரன் கோயில், புன்னம் புன்னைவனநாதா் உடனுறை புன்னைவன நாயகி கோயில் உள்ளிட்ட சிவன் கோயில்களில் நந்தியம்பெருமானுக்கு சிறப்பு அபிஷேகம் நடைபெற்றது.