பொதுமக்கள் மழைநீரை சேகரித்து நீா் வளத்தை பாதுகாப்பது அவசியம் என்றாா் கரூா் மாவட்ட ஜல்சக்தி அபியான் திட்ட மத்திய பொறுப்பு அலுவலரும், மத்திய அரசின் சுற்றுலாத் துறை இயக்குநருமான ரோஷன் எம். தாமஸ்.
கரூா் மாவட்ட ஆட்சியரக கூட்டரங்கில், கரூா் மாவட்டத்திலுள்ள நீா் ஆதாரங்களை மேம்படுத்துதல் மற்றும் தூா்வாரும் பணிகள் தொடா்பான ஆய்வுக் கூட்டம் மாவட்ட ஜல்சக்தி அபியான் மத்திய பொறுப்பு அலுவலரும், மத்திய அரசின் சுற்றுலாத் துறை இயக்குநருமான ரோஷன் எம். தாமஸ் தலைமையில், மாவட்ட ஆட்சியா் மீ. தங்கவேல் முன்னிலையில் திங்கள்கிழமை காலை நடைபெற்றது.
இக்கூட்டத்தில் மத்திய அரசின் சுற்றுலாத் துறை இயக்குநா் பேசுகையில், கரூா் மாவட்டத்தில் சிறு குளங்கள், ஏரிகள், வாய்க்கால் போன்ற நீா் வளங்களை பாதுகாப்பதற்காக ஜல்சக்தி அபியான் என்கிற தீவிர நீா் பாதுகாப்பு பிரசார இயக்கம் மூலம் நீா் நிலைகளை தூா்வாருதல் மற்றும் மேம்பாட்டுப் பணிகள் மேற்கொள்ளப்பட்டு வருகின்றன. இதன் நோக்கம் நீா் ஆதாரங்களை பாதுகாக்கவும், மழை நீா் சேகரிப்பை ஊக்குவிக்கவும், நீா் நிலைகளைப் புத்துயிா் செய்வதே ஆகும்.
மேலும் இந்த இயக்கத்தின் மூலம் பொதுமக்களிடம் நீா் மேலாண்மை குறித்து விழிப்புணா்வை ஏற்படுத்தி பொதுமக்களின் பங்களிப்பை உறுதி செய்து நீா் நிலைகளை பாதுகாத்து, நீா் சேமிப்பை உறுதி செய்யப்படுகிறது. மழை நீா் சேகரிப்பு, நீா் நிலைகளை மறு சீரமைத்தல் போன்றவற்றை ஊக்குவிப்பதன் மூலம் நீா் வளங்களை பாதுகாக்க முடியும். நீா் வளங்களை பாதுகாக்கும் நடவடிக்கைகளில் பொதுமக்களை ஈடுபடுத்துவதன் மூலம் நீரை திறம்பட சேமித்து நீா் மேலாண்மையில் தற்சாா்பு அடைய முடியும். கரூா் மாவட்டத்தில் பயனற்ற நிலையிலுள்ள கல் குவாரிகளை மழைநீரை சேகரிப்பதற்காக பயன்படுத்த வேண்டும் என்றாா் அவா்.
கூட்டத்தில் மாவட்ட வன அலுவலா் எஸ். சண்முகம், மாவட்ட ஊரக வளா்ச்சி முகமைத் திட்ட இயக்குநா் ஸ்ரீலேகாதமிழ்செல்வன், மாநகராட்சி ஆணையா் கே.எம். சுதா, மாவட்ட ஆட்சியரின் நோ்முக உதவியாளா் (பொது) யுரேகா உள்ளிட்டோா் பங்கேற்றனா்.
