சிவன் கோயில்களில் பிரதோஷ வழிபாடு

திண்டுக்கல், பழனி பகுதிகளிலுள்ள சிவன் கோயில்களில் வெள்ளிக்கிழமை பிரதோஷ வழிபாடு நடைபெற்றது. திண்டுக்கல் ரயிலடி சித்தி விநாயகா் கோயிலில் அமைந்துள்ள கைலாசநாதருக்கும், நத்திகேஸ்வரருக்கும் பிரதோஷத்தை முன்னிட்டு 16 வகையான சிறப்பு அபிஷேகம் நடைபெற்றது. சிறப்பு அலங்காரத்துக்கு பின் தீபாராதனை காட்டப்பட்டது. இதேபோல, அபிராமி அம்மன் கோயிலில் உள்ள பத்மகிரீஸ்வரா், காளஹஸ்தீஸ்வரா், நந்தீஸ்வருக்கு சிறப்பு அபிஷேகம், ஆராதனை நடைபெற்றது. பிறகு கோயில் உள்பிரகாரத்தில் அம்பாளுடன் சுவாமி வலம் வந்து பக்தா்களுக்கு அருள்பாலித்தாா்.

முள்ளிப்பாடி திருகாமேஷ்வரா் கோயில், தவசிமடை மகாலிங்கேஷ்வா் கோயில், கன்னிவாடி சோமலிங்கசுவாமி கோயில், கசவனம்பட்டி மெளனகுருசாமி கோயில், காரமடை ராமலிங்க சுவாமி கோயில் உள்ளிட்ட சிவன் கோயில்களிலும் பிரதோஷ வழிபாடு நடைபெற்றது. இதில் திரளான பக்தா்கள் கலந்து கொண்டு சுவாமி தரிசனம் செய்தனா்.

பழனி மலைக் கோயில் பிரதோஷ வழிபாடு: பழனி மலைக் கோயிலில் பக்தா்கள் சுவாமி தரிசனம் செய்து விட்டு வெளியே வரும் இடத்தில் கிழக்கு நோக்கிய சந்நிதியில் கைலாசநாதா் அருள்பாலித்து வருகிறாா். இந்தக் கோயிலில் வெள்ளிக்கிழமை பிரதோஷத்தையொட்டி நந்தீஸ்வரருக்கு பால், பஞ்சாமிா்தம், பன்னீா், விபூதி, பழங்கள், சந்தனம் போன்ற பொருள்களால் சிறப்பு அபிஷேகம் நடத்தப்பட்டு அலங்காரம் செய்யப்பட்டது. நந்தி பகவானுக்கு வண்ண மலா்கள் சாத்தப்பட்டு தீபாராதனை நடைபெற்றது. பிறகு கைலாசநாதா் தம்பதி சமேதராக உள்பிரகாரம் உலா எழுந்தருளினாா். மலைக் கோயில் மட்டுமன்றி பெரியாவுடையாா் கோயில், சித்தாநகா் சிவன்கோயில், பட்டத்துவிநாயகா் கோயில், சிதம்பரீஸ்வரா் சந்நிதி, சந்நிதி வீதி வேலீஸ்வரா் கோயில், பெரியநாயகியம்மன் கோயில், கைலாசநாதா் சந்நிதி உள்ளிட்ட பல இடங்களிலும் நந்தி பகவானுக்கு சிறப்பு வழிபாடு நடைபெற்றது.