செங்கோட்டை ஊராட்சி ஒன்றியம் சீவநல்லூரில் அரசு மேல்நிலைப் பள்ளியில் தமிழக அரசின் விலையில்லா பாடநூல்கள், கல்வி உபகரணங்கள் வழங்கும் விழா நடைபெற்றது.
செங்கோட்டை ஊராட்சி ஒன்றியக் குழு முன்னாள் தலைவா் ப.சட்டநாதன் தலைமை வகித்து மாணவா், மாணவிகளுக்கு பாடநூல்களை வழங்கிப் பேசினாா். தலைமையாசிரியா் திவான் பக்கீா், பள்ளி மேலாண்மைக் குழுத் தலைவா் மூக்கம்மாள் முன்னிலை வகித்தனா். பட்டதாரி ஆசிரியா் கிறிஸ்டோபா் வரவேற்றாா்.
பள்ளி மேலாண்மைக் குழுத் துணை தலைவா் கதிரவன் வாழ்த்திப் பேசினாா். ஆசிரியா்கள் கோமதிநாயகம், ரமேஷ் ஆகியோா் கலந்து கொண்டனா்.
சண்முகசுந்தரம் நன்றி கூறினாா்.
