சீா்காழி ச.மு.இ மேல்நிலைப்பள்ளியில் ஆசிரியா் தின விழா, கடந்த ஆண்டு பணி நிறைவு பெற்ற ஆசிரியா்களுக்கு பாராட்டு விழா, டாக்டா் ராதாகிருஷ்ணன் விருது பெற்ற ஆசிரியா்களுக்கு பாராட்டு விழா, 25 ஆண்டுகள் பணி நிறைவு செய்த ஆசிரியா்களுக்கு பாராட்டு விழா, தற்பொழுது கற்பித்தல் பணியில் சிறந்து விளங்கிய பள்ளி ஆசிரியா்களுக்கு பாராட்டு விழா என ஐம்பெரும் விழா செவ்வாய்க்கிழமை நடைபெற்றது.
பள்ளி செயலா் வி. சொக்கலிங்கம் தலைமை வகித்தாா். பள்ளி தலைமை ஆசிரியா் எஸ். முரளிதரன் வரவேற்றாா். பெற்றோா் ஆசிரியா் கழக தலைவா் எம். கபாலி வாழ்த்துரை வழங்கினாா். சிறப்பு விருந்தினா்களாக மயிலாடுதுறை மாவட்ட முதன்மை கல்வி அலுவலா்( பொ) எஸ். காா்த்திகேயன், மயிலாடுதுறை கல்வி மாவட்ட அலுவலா் எஸ். சாந்தி பங்கேற்றனா்.
நிகழாண்டுடன் பணி நிறைவு பெற்ற பள்ளி முன்னாள் தலைமை ஆசிரியா் எஸ். அறிவுடைநம்பி, முன்னாள் பட்டதாரி ஆசிரியா் எஸ். சேதுராமன், முன்னாள் முதுகலை ஆசிரியா் கே. இளங்கோவன், முன்னாள் உதவி தலைமை ஆசிரியா் டி. சீனிவாசன் ஆகியோருக்கு பாராட்டு தெரிவிக்கப்பட்டது.
கடந்த ஆண்டுகளில் டாக்டா் ராதாகிருஷ்ணன் விருது பெற்ற ஆசிரியா்கள் உதவி தலைமை ஆசிரியா் டி. சீனிவாசன்,, பட்டதாரி உதவி தலைமை ஆசிரியா் என். துளசிரங்கன் பாராட்டப்பட்டனா். மேலும் 25 ஆண்டுகள் பணி நிறைவு செய்தமைக்காக பள்ளி பட்டதாரி ஆசிரியை ஆா். கெளரி சங்கீதா பாராட்டப்பட்டாா்.
