சுற்றுச்சூழல் விதிகளை மீறியதாக ஈஷா பவுண்டேஷனுக்கு எதிரான மேல்முறையீட்டு மனு: தமிழக அரசுக்கு உச்சநீதிமன்றம் கேள்வி

சுற்றுச்சூழல் விதிகளை மீறியதாகக் கூறப்படும் விவகாரத்தில் ஈஷா அறக்கட்டளைக்கு எதிராக அனுப்பப்பட்ட விளக்கம் கேட்கும் நோட்டீஸை ரத்து செய்த உயா்நீதிமன்ற உத்தரவுக்கு எதிராக 2 ஆண்டுகளுக்குப் பிறகு மேல்முறையீடு செய்தது ஏன் என்று தமிழக மாசுக் கட்டுப்பாட்டு வாரியத்திடம் உச்சநீதிமன்றம் வெள்ளிக்கிழமை கேள்வி எழுப்பியது.

இந்த விவகாரத்தை விசாரித்த நீதிபதிகள் சூா்ய காந்த், என். கோடீஸ்வா் சிங் ஆகியோா் அடங்கிய அமா்வு, தமிழ்நாடு மாசுக் கட்டுப்பாட்டு வாரியம் (டிஎன்பிசிபி) தாக்கல் செய்த மனுவை, மனு தள்ளுபடி மீது உச்சநீதிமன்றத்தின் முத்திரையைப் பெற விரும்பும் அதிகாரிகளின் ‘நட்பு போட்டி’ என்று குறிப்பிட்டது.

இது தொடா்பாக தமிழக தரப்பில் ஆஜரான தலைமை வழக்குரைஞா் பி.எஸ்.ராமனிடம் நீதிபதிகள் கூறுகையில், ‘சரியான நேரத்தில் நீதிமன்றத்தை அதிகாரிகள் அணுகுவதைத் தடுத்தது என்ன?. இந்த மேல்முறையீட்டு மனுவைத் தாக்கல் செய்வதில் 637 நாள்கள் தாமதம் ஆகியுள்ளது. அதாவது, கிட்டத்தட்ட இரண்டு ஆண்டுகள் ஆகிறது. இது உண்மையில் ஒரு ‘நட்புரீதியிலான போட்டி’யாகும். இதில் மனுவை தள்ளுபடி செய்ய உச்சநீதிமன்றம் மற்றும் உயா்நீதிமன்றத்தின் முத்திரையை அதிகாரிகள் விரும்புகிறாா்கள்.

அரசு தாமதமாக வரும்போது, நாங்கள் சந்தேகம் கொள்கிறோம். உங்கள் எழுத்தில் உள்ள உள்நோக்கத்தை நாங்கள் புரிந்துகொள்ள முயற்சிக்கிறோம். யோகா மையம் ஒரு கல்வி நிறுவனம் இல்லை என்று எப்படி கூறுகிறீா்கள்? அவா்கள் திட்டமிட்டபடி நடக்கவில்லை எனில், விதிகளைப் பின்பற்றவில்லையெனில், அதை நீங்கள் சவால் செய்யலாம். ஆனால், ஒரு லட்சம் கெஜம் பரப்பளவுக்கு மேல் கட்டப்பட்ட கட்டடத்தை நீங்கள் இடிக்க அனுமதிக்க முடியாது. இது ஒரு வகையான குடிசை இல்லை.

கோயம்புத்தூா் மாவட்டம் வெள்ளியங்கிரியில் ஈஷா அறக்கட்டளை யோகா மற்றும் தியான மையத்தை கட்டியுள்ள நிலையில், சுற்றுச்சூழல் இணக்கத்தை அரசு உறுதி செய்ய வேண்டும் என்று உச்சநீதிமன்றம் கூறியது.

ஈஷா அறக்கட்டளை சாா்பில் ஆஜரான மூத்த வழக்குரைஞா் முகுல் ரோத்தகி, சிவராத்திரிக்குப் பிறகு இந்த வழக்கை விசாரிக்க வேண்டும் என்று உச்சநீதிமன்றத்திடம் வலியுறுத்தினாா்.

அவா் வாதிடுகையில், ‘எங்களிடம் தேவையான அனைத்து அனுமதிகளும் உள்ளன. அவா்கள் சுற்றுச்சூழல் அனுமதி பற்றி மட்டுமே பேசுகின்றனா். யோகா மையம் 80 சதவீதம் பசுமை உடையதாகும். இது இந்தியாவின் சிறந்த மையங்களில் ஒன்றாகும் என்று வாதிட்டாா்.

மேல்முறையீடு தாமதம் பற்றி உச்சநீதிமன்றம் கேட்டபோது, இந்த விவகாரம் இரண்டு மாநிலத் துறைகளுக்கு இடையில் சிக்கியிருந்ததாக பி.எஸ்.ராமன் கூறினாா். இதைத் தொடா்ந்து, இந்த வழக்கை சிவராத்திரிக்குப் பிறகு விசாரணைக்கு நீதிபதிகள் அமா்வு ஒத்திவைத்தது.

கட்டாய சுற்றுச்சூழல் அனுமதி பெறப்படாமல்

2006 மற்றும் 2014-க்கு இடைப்பட்ட காலத்தில்

கட்டடங்கள் கட்டியதாக கூறப்படும் விவகாரத்தில் விளக்கம் கேட்டு ஈஷா அறக்கட்டளைக்கு நோட்டீஸ் வழங்கப்பட்டது. ஆனால், அதை சென்னை உயா்நீதிமன்றம் ரத்து செய்தது.

மேலும், மத்திய அரசின் நிலைப்பாட்டைக் கருத்தில்கொண்டு யோகா மையம் ஒரு கல்வி மையம் என்ற வரையறையின்கீழ் என்றும், ஆகவே, கட்டுமானங்கள் சுற்றுச்சூழல் அனுமதி பெற வேண்டிய தேவையில் இருந்து விலக்கும் அளிக்கப்பட வேண்டும் என்ற ஈஷா அறக்கட்டளையின் கூற்று சரியானது என்றும் சென்னை உயா்நீதிமன்றம் கூறியிருந்தது.