சென்னை: கொலையில் முடிந்த தாய் - மகள் சண்டை; கைதான மகளின் காதலன்; என்ன நடந்தது?

சென்னை முகப்பேர் பகுதியைச் சேர்ந்தவர் மைதிலி (61). இவர் பி.எஸ்.என்.எல். அலுவலகத்தில் வேலை பார்த்து ஓய்வு பெற்றவர். இவரின் மகள் ரித்திகா. இவர், போரூரில் உள்ள தனியார் நிறுவனத்தில் வேலை செய்து வருகிறார்.

ரித்திகாவுக்கும் முகப்பேரைச் சேர்ந்த கல்லூரி மாணவர் கண்ணனுக்கும் இடையே பழக்கம் ஏற்பட்டது. இதையடுத்து இருவரும் காதலித்து வந்ததாகக் கூறப்படுகிறது. கண்ணனுடன் ரித்திகா பழகுவதைக் கண்டித்திருக்கிறார் மைதிலி. இந்நிலையில் வீட்டுக்குத் தாமதமாக வந்த ரித்திகாவை மைதிலி சத்தம் போட்டிருக்கிறார். அதனால் தாய், மகளுக்கு இடையே கடும் வாக்குவாதம் ஏற்பட்டிருக்கிறது.

இதில் ஆத்திரமடைந்த ரித்திகா, வீட்டை விட்டு வெளியில் சென்றிருக்கிறார். உடனே அவரைச் சமரசப்படுத்தி வீட்டுக்கு அழைத்து வந்திருக்கிறார் மைதிலி. அதன்பிறகும் இருவருக்கும் இடையே தகராறு ஏற்பட்டிருக்கிறது. அப்போது ரித்திகா, தன்னுடைய காதலன் கண்ணனுக்கு போன் செய்து வீட்டுக்கு வரும்படி கூறியிருக்கிறார். அதன்படி கண்ணனும் அங்குச் சென்றிருக்கிறார்.

கண்ணனுக்கும் மைதிலிக்கும் இடையே தகராறு ஏற்பட்டுள்ளது. இதில் ஆத்திரமடைந்த கண்ணன், மைதிலியின் கழுத்தை நெரித்திருக்கிறார். இதில் மைதிலி மயங்கி விழுந்திருக்கிறார். அதனால் அதிர்ச்சியடைந்த கண்ணன், அங்கிருந்து தப்பிச் சென்றுவிட்டார். நீண்ட நேரமாகியும் மைதிலி கண்விழிக்காததால் அதிர்ச்சியடைந்த ரித்திகா, தன்னுடைய அம்மா மைதிலியை மருத்துவமனைக்குக் கொண்டு சென்றிருக்கிறார். ஆனால் அங்கு மைதிலி இறந்து விட்டதாக மருத்துவர்கள் தெரிவித்தனர்.

இதையடுத்து ஜெ.ஜெ.நகர் காவல் நிலையத்துக்குத் தகவல் தெரிவிக்கப்பட்டது. சம்பவ இடத்துக்கு வந்த போலீஸார், மைதிலியின் சடலத்தைக் கைப்பற்றி பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். பின்னர் ரித்திகாவிடம் போலீஸார் விசாரணை நடத்தியதில் கண்ணன், மைதிலியைக் கொலை செய்தது தெரியவந்தது. இதையடுத்து கண்ணனை போலீஸார் கைது செய்தனர். தொடர்ந்து ரித்திகாவிடம் விசாரணை நடந்து வருகிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs