யுவன் இசையில் ரியோ ராஜ் நடிப்பில் உருவாகியுள்ள ஸ்வீட்ஹார்ட் படத்திலிருந்து முதல் பாடல் வெளியாகியுள்ளது.
யுவன் சங்கர் ராஜா இசையமைப்பதுடன் திரைப்படத் தயாரிப்பிலும் ஈடுபட்டு வருகிறார். இவர் பியார் பிரேம காதல், ஹை ஆன் லவ், விஜய் சேதுபதி நடித்த மாமனிதன் உள்ளிட்ட படங்களைத் தயாரித்துள்ளார்.
பியார் பிரேம காதல் படத்தைத் தவிர மற்ற படங்கள் வணிக ரீதியான வெற்றியைப் பெறவில்லை என்றாலும் தயாரித்த அனைத்து படங்களும் ரசிக்கக்கூடிய வகையிலேயே உருவாகியிருந்தன.
நாயகனாக நடிகர் ரியோ ராஜ் நடிக்க அறிமுக இயக்குநர் ஸ்வினீத் எஸ். சுகுமார் இயக்கியுள்ளார். படத்திற்கு, ‘ஸ்வீட்ஹார்ட்’ எனப் பெயரிட்டுள்ளனர்.
காதல் திரைப்படமாக உருவாகும் இதில் கோபிகா ரமேஷ் நாயகியாகவும் ரெடின் கிங்ஸ்லி, அருணாச்சலம், சுரேஷ் சக்கரவர்த்தி உள்ளிட்டோர் நடித்துள்ளனர்.
இந்தப் படத்தின் அவ்ஸம் கிஸா எனும் லிரிக்கல் விடியோ வெளியாகியுள்ளது.
பிரபல கானா பாடகர் ஆஃப்ரோ யுவனுடன் இணைந்து பாடியுள்ளார். கெழிதி, கானா பிரான்சிஸ் இணைந்து இந்தப் பாடலை எழுதியுள்ளார்கள்
