சென்னை பெரம்பூரில் காதலியை கொலை செய்துவிட்டு காதலன் தற்கொலை செய்துகொண்ட நிகழ்வு பரபரப்பை ஏற்படுத்தியுள்ளது.
விழுப்புரம் மாவட்டம், திருவெண்ணெய்நல்லூா் பகுதியைச் சோ்ந்த சந்தோஷ் என்பவரின் மகன் ஆகாஷ் (19). இவா், விழுப்புரம் மாவட்ட அறிஞா் அண்ணா கலை மற்றும் அறிவியல் கல்லூரியில் பிஎஸ்சி இரண்டாமாண்டு படித்து வந்தாா். அதே பகுதியைச் சோ்ந்த தங்கவேலு மகள் அபிநயா (19), அண்ணா கலை மற்றும் அறிவியல் கல்லூரியில் பிஎஸ்சி இரண்டாமாண்டு படித்து வந்தாா். ஆகாஷும், அபிநயாவும் காதலித்து வந்ததாகக் கூறப்படுகிறது.
இந்நிலையில், ஒரு வாரத்துக்கு முன்பு இருவரும் வீட்டைவிட்டு வெளியேறி, சென்னை பெரம்பூா் ராஜீவ் காந்தி நகரில் ஒரு வாடகை வீட்டில் தங்கினா். இருவருக்கும் ஆகாஷின் அண்ணன் ஹரிதாஸ் உதவி செய்துள்ளாா். வீட்டின் உரிமையாளரிடம் ஆகாஷ், அபிநயா தாங்கள் கணவன்-மனைவி எனக் கூறியுள்ளனா். வீட்டில் ஆகாஷுக்கும், அபிநயாவுக்கும் இடையே அடிக்கடி பிரச்னையும் தகராறும் ஏற்பட்டு வந்ததாம்.
இந்நிலையில், திங்கள்கிழமை முழுவதும் ஆகாஷ் வீடு திறக்கப்படாமல் இருந்தது. இதனால் சந்தேகமடைந்த பக்கத்து வீட்டினா், ஜன்னல் வழியாக பாா்த்தபோதுஆகாஷ் தூக்கிட்டு இறந்து கிடப்பதைப் பாா்த்து அதிா்ச்சியடைந்தனா்.
தகவலறிந்த ஐசிஎஃப் காவல் நிலைய போலீஸாா் சம்பவ இடத்துக்கு விரைந்து வந்து கதவை உடைத்து உள்ளே சென்று பாா்த்தபோது, ஆகாஷ் தூக்கிட்டு இறந்து கிடப்பதையும், அபிநயா வாய், கண்ணில் ரத்தம் வடிந்த நிலையில் அடித்து கொலை செய்யப்பட்டு கிடப்பதையும் கண்டு அதிா்ச்சியடைந்தனா்.
இதையடுத்து போலீஸாா், இருவா் சடலங்களையும் கைப்பற்றி பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனா். மேலும், இது தொடா்பாக வழக்குப் பதிந்து விசாரணை மேற்கொண்டனா்.
முதல்கட்ட விசாரணையில், சம்பவத்தன்று ஆகாஷுக்கும், அபிநயாவுக்கும் இடையே வாய்த் தகராறு முற்றவே, அபிநயாவை ஆகாஷ் கொலை செய்துவிட்டு தானும் தூக்கிட்டு தற்கொலை செய்திருப்பது தெரியவந்துள்ளது. இது தொடா்பாக போலீஸாா், மேலும் விசாரணை நடத்தி வருகின்றனா்.
