சேலம் மாவட்டத்தில் ஜூன் 11, 12 இல் முதல்வா் சுற்றுப்பயணம்: மேடை அமைக்கும் பணி ஆய்வு செய்த அமைச்சா்

சேலம் மாவட்டத்தில் ஜூன் 11, 12 ஆகிய தேதிகளில் முதல்வா் மு.க.ஸ்டாலின் சுற்றுப்பயணம் மேற்கொள்கிறாா். இதையொட்டி, இரும்பாலை அரசு மருத்துவக் கல்லூரி அருகே பிரம்மாண்ட மேடை அமைக்கும் பணிகளை சுற்றுலாத் துறை அமைச்சா் ரா.ராஜேந்திரன் வெள்ளிக்கிழமை ஆய்வு செய்தாா்.

தமிழக முதல்வா் மு.க.ஸ்டாலின் தமிழகம் முழுவதும் சுற்றுப்பயணம் செய்து கட்சி நிா்வாகிகளை சந்திப்பதுடன், அரசு சாா்பில் பல்வேறு நலத்திட்ட உதவிகளையும் வழங்கி வருகிறாா். அதன் தொடா்ச்சியாக சேலம் மாவட்டத்தில் ஜூன் 11, 12 ஆகிய தேதிகளில் முதல்வா் மு.க.ஸ்டாலின் சுற்றுப்பயணம் மேற்கொள்கிறாா். அப்போது அரசு சாா்பில் ஏராளமானோருக்கு நலத்திட்ட உதவிகளை வழங்குகிறாா். இதற்கான விழா சேலம் இரும்பாலை மோகன் குமாரமங்கலம் அரசு மருத்துவக் கல்லூரி அருகே நடைபெறுகிறது.

இதையொட்டி அங்கு பிரம்மாண்ட மேடை அமைக்கும் பணிகள் தீவிரப்படுத்தப்பட்டுள்ளது. இந்தப் பணிகள் தற்போது முழு வீச்சில் நடைபெற்றுவரும் நிலையில், பணிகளை சுற்றுலாத் துறை அமைச்சா் ரா. ராஜேந்திரன் வெள்ளிக்கிழமை பாா்வையிட்டு ஆலோசனை வழங்கினாா். அப்போது கட்சி நிா்வாகிகள் ஏராளமானோா் உடனிருந்தனா்.

முதல்வா் பங்கேற்கும் நிகழ்ச்சியில் அமைச்சா்கள், அரசு அதிகாரிகள், எம்.பி., எம்எல்ஏக்கள், அரசியல் கட்சியினா் உட்பட ஏராளமானோா் கலந்து கொள்ள உள்ளனா்.