ஜம்மு-காஷ்மீரில் ராணுவ வாகனம் பள்ளத்தாக்கில் கவிழ்ந்ததில் பாதுகாப்புப் படையைச் சேர்ந்த இரு வீரர்கள் மரணமடைந்தனர்.
ஜம்மு-காஷ்மீர் பந்திப்போரா மாவட்டம் உலர் வியூபாயிண்ட் அருகே ராணுவ வீரர்களுடன் வாகனம் சென்று கொண்டிருக்கும்போது, திடீரென கட்டுப்பாட்டை இழந்து வாகனம் ஆழமான பள்ளத்தாக்கில் கவிழ்ந்தது.
இதில் 5 வீரர்கள் காயமடைந்த நிலையில் மருத்துவமனையில் சிகிச்சைக்காக அனுமதிக்கப்பட்ட நிலையில் அதில் இருவர் உயிரிழந்தனர்.
இதையும் படிக்க | காற்றாடும் விமான நிலையங்கள்!
சிகிச்சை பெற்று வரும் 3 பேரும் ஆபத்தான நிலையில் இருப்பதாகவும் அவர்கள் தற்போது ஸ்ரீநகர் மருத்துவமனைக்கு அனுப்பப்பட்டுள்ளதாகவும் பந்திபோரா மாவட்ட மருத்துவமனை கண்காணிப்பாளர் டாக்டர் மஸ்ரத் இஃபால் கூறினார்.
முன்னதாக கடந்த செவ்வாய்க்கிழமை இதேபோன்று ராணுவ வாகனம் கவிழ்ந்த விபத்தில் வீரர்கள் 5 பேர் உயிரிழந்தனர், 5 பேர் படுகாயமடைந்து குறிப்பிடத்தக்கது.
