தஞ்சாவூா் மாவட்டத்தில் ஓராண்டில் சைபா் குற்றப் பிரிவில் 60 வழக்குகள் பதிவு

தஞ்சாவூா் மாவட்டத்தில் கடந்த ஓராண்டில் சைபா் குற்றக் காவல் பிரிவில் 60 வழக்குகள் பதிவு செய்யப்பட்டு, 24 போ் கைது செய்யப்பட்டனா்.

இது குறித்து மாவட்டக் காவல் அலுவலகம் வெளியிட்டுள்ள செய்திக்குறிப்பு:

மாவட்டத்தில் 2024 ஆம் ஆண்டில் 60 இணையவழி குற்ற வழக்குகள் பதிவு செய்யப்பட்டு, விரைவாக நடவடிக்கை மேற்கொண்டு வெளி மாநிலத்தைச் சோ்ந்த மூவா் உட்பட 24 போ் கைது செய்யப்பட்டனா். இணையவழி குற்றங்கள் தொடா்பாக பொதுமக்களிடமிருந்து பெறப்பட்ட புகாா் மனுக்கள் தொடா்பாக உரிய விசாரணை மேற்கொள்ளப்பட்டு 838 மனுக்கள் மீது தீா்வு காணப்பட்டுள்ளது. இணையவழி பணமோசடி தொடா்பான புகாா்களில் விரைவாக செயல்பட்டு, பல்வேறு மாநிலங்களைச் சோ்ந்த மோசடி நபா்களின் வங்கிக் கணக்குகளில் மொத்தம் ரூ. 5.69 கோடி முடக்கம் செய்யப்பட்டுள்ளது. அதில் ரூ. 83.09 லட்சம் நீதிமன்றம் மூலமாக பாதிக்கப்பட்டவா்களுக்கு மீட்டு கொடுக்கப்பட்டுள்ளது.

கைப்பேசிகள்: 2024-ஆம் ஆண்டில் காணாமல்போன கைப்பேசிகள் தொடா்பாக இணையம் மூலமாக பெறப்பட்ட 3 ஆயிரத்து 433 புகாா்களில் எடுக்கப்பட்ட நடவடிக்கை மூலம், 2 ஆயிரத்து 417 கைப்பேசிகள் கண்டுபிடிக்கப்பட்டு, அவற்றில் 860 கைப்பேசிகள் அதன் உரிமையாளரிடம் மீட்டு ஒப்படைக்கப்பட்டன.

கொலை வழக்குகள்: மாவட்டத்தில் கடந்த 2024 ஆம் ஆண்டில் ரௌடி சரித்திர பதிவேடு குற்றவாளிகளின் நடவடிக்கைகள் கண்காணிக்கப்பட்டு, 438 குற்ற வழக்குகள் பதிவு செய்யப்பட்டு, 422 போ் கைது செய்யப்பட்டு சிறையில் அடைக்கப்பட்டுள்ளனா். தொடா்ச்சியாக பொதுமக்களுக்கும், பொது அமைதிக்கும் குந்தகம் விளைவித்த 77 போ் மீது குண்டா் தடுப்பு காவல் சட்டத்தின் கீழ் நடவடிக்கை மேற்கொள்ளப்பட்டு, திருச்சி மத்திய சிறையில் அடைக்கப்பட்டனா்.

2024 ஆம் ஆண்டில் நிகழ்ந்த 50 கொலை வழக்குகளில் தொடா்புடைய 133 போ் உடனடியாக கைது செய்யப்பட்டு, புலன் விசாரணை விரைவாக மேற்கொள்ளப்பட்டது. இதன் மூலம், 47 வழக்குகளில் நீதிமன்றத்தில் குற்றப் பத்திரிக்கை தாக்கல் செய்யப்பட்டுள்ளது. முன்னெச்சரிக்கை நடவடிக்கைகள் மூலம் கொலை வழக்குகள் கடந்த 15 ஆண்டுகளை விட 2024 ஆம் ஆண்டில் குறைந்துள்ளது.

சாலை விபத்துகள் குறைவு: மாவட்டத்தில் மேற்கொள்ளப்பட்ட விழிப்புணா்வு, முன்னெச்சரிக்கை நடவடிக்கைகள் மூலம் 2023-இல் 2,323 சாலை விபத்து வழக்குகள் பதிவு செய்யப்பட்ட நிலையில், 2024 ஆம் ஆண்டில் 2,273 சாலை விபத்து வழக்குகளாக குறைந்துள்ளது. இதில் 2023-இல் 589 சாலை விபத்து வழக்குகளில் 609 போ் உயிரிழந்த நிலையில், 2024-இல் 534 சாலை விபத்து வழக்குகளில் 558 போ் உயிரிழந்தனா்.