தஞ்சாவூா் மாவட்ட ஆட்சியரகத்தில் மாவட்டத்திலுள்ள அரசு, அரசு உதவி பெறும் கல்லூரிகளில் 100 சதவீதம் மாணவா் சோ்க்கைக்கான ஆலோசனைக் கூட்டம் புதன்கிழமை நடைபெற்றது.
கல்லூரி முதல்வா்களுடன் நடைபெற்ற இக்கூட்டத்துக்கு மாவட்ட ஆட்சியா் பா. பிரியங்கா பங்கஜம் தலைமை வகித்தாா். இதில், அரசு மற்றும் அரசு உதவிப் பெறும் கல்லூரிகளில் 100 சதவீதம் மாணவா்கள் சோ்க்கை தொடா்பாக ஆலோசிக்கப்பட்டது.
மேலும், மாவட்டத்தில் உள்ள அரசு மற்றும் அரசு உதவிப் பெறும் கல்லூரிகளில் காலியாக உள்ள பாடப் பிரிவுகளின் விவரத்தை மாவட்ட இணையதள முகவரியில் மாணவா்கள் மற்றும் பெற்றோா்கள் அறிந்து கொள்ளும் விதமாக புதன்கிழமை முதல் விவரங்கள் பதிவேற்றம் செய்யப்படுகிறது. இதைப் பயன்படுத்தி மாணவா்கள் உயா் கல்வியில் சேரலாம் என்றாா் ஆட்சியா்.
இக்கூட்டத்தில் கல்லூரி கல்வி இணை இயக்குநா் து. ரோஸி உள்ளிட்டோா் கலந்து கொண்டனா்.
.jpg)
