தமிழரசு அலுவலகத்தில் கலைஞா் நூற்றாண்டு தோரணவாயில்; சிலை துணை முதல்வா் உதயநிதி திறந்து வைத்தாா்

தமிழரசு அலுவலகம் மற்றும் அச்சக வளாகத்தில் ரூ. 25 லட்சத்தில் அமைக்கப்பட்டுள்ள கலைஞா் நூற்றாண்டு தோரணவாயில் மற்றும் மாா்பளவுச் சிலையை துணை முதல்வா் உதயநிதி ஸ்டாலின் திங்கள்கிழமை (மே 12) திறந்து வைத்தாா்.

இது தொடா்பாக வெளியிடப்பட்ட செய்திக் குறிப்பு:

முன்னாள் முதல்வா் கருணாநிதியால் கடந்த 1970-ஆம் ஆண்டு தமிழக அரசின் செய்தி மக்கள் தொடா்புத் துறையின் கீழ் தமிழரசு இதழ் தொடங்கப்பட்டது. கடந்த 55 ஆண்டுகளாக, தமிழக அரசின் மக்கள் நலத்திட்டங்களையும் சாதனைகளையும் தொகுத்து வழங்கி, அரசின் அச்சு ஊடகமாகத் தொடா்ந்து செயல்பட்டு வருகிறது.

அனைத்து மக்களும் படித்துப் பயன்பெறும் வகையில் முதல்வா் பங்கேற்கும் அரசு விழாக்கள், கள ஆய்வுகள், அவை தொடா்பான செய்தி வெளியீடுகள், அரசின் நலத்திட்ட உதவிகளைப் பெறுவதற்கான வழிமுறைகள், பிற பொதுவான தகவல்கள் அடங்கிய மாத இதழாக தமிழரசு இதழ் வெற்றிகரமாக வெளிவந்து கொண்டிருக்கிறது.

கடந்த 4 ஆண்டுகளில் மட்டும் வெளியிடப்பட்டுள்ள 54 சிறப்பு வெளியீடுகளில் 19 சிறப்பு மலா்கள் முதல்வா் மு.க.ஸ்டாலினால் வெளியிடப்பட்டவை என்பது குறிப்பிடத்தக்கது.

முந்தைய ஆட்சிக் காலங்களில் 30,000-ஆக இருந்த தமிழரசு மாத இதழ் சந்தாதாரா்களின் எண்ணிக்கை தற்போது 1 லட்சம் என்ற இலக்கை எட்டியது. அதைச் சிறப்பிக்கும் வகையில் துணை முதல்வா் உதயநிதி ஸ்டாலின், சென்னை கோட்டூா்புரம் அண்ணா நூற்றாண்டு நூலகத்தில் கடந்த 2023 மே 17-இல் 1,00,001-ஆவது சந்தாதாரருக்குத் தமிழரசு மாத இதழை வழங்கிப் பாராட்டினாா்.

இந்த நிலையில், தரமணியிலுள்ள தமிழரசு அச்சக வளாகத்தில் கலைஞா் நூற்றாண்டு தோரணவாயில் மற்றும் கருணாநிதி மாா்பளவு சிலை ஆகியவற்றை அமைக்க முடிவு செய்யப்பட்டது.

அதன்படி, ரூ. 25 லட்சத்தில் அவை அமைக்கப்பட்டன. அவற்றை துணை முதல்வா் உதயநிதி ஸ்டாலின் திங்கள்கிழமை (மே 12) திறந்து வைத்தாா். செய்தி மக்கள் தொடா்புத் துறை அமைச்சா் மு.பெ.சாமிநாதன் முன்னிலையில் நடைபெற்ற இந்த நிகழ்வின் ஒருபகுதியாக தமிழரசு இதழின் வெற்றி பயணங்களின் புகைப்படங்கள் தொகுக்கப்பட்டு கண்காட்சிக்காக வைக்கப்பட்டிருந்தன. அதை துணை முதல்வா் உதயநிதி ஸ்டாலின் பாா்வையிட்டாா்.

அதன்பிறகு, தமிழரசு அச்சகத்துக்குச் சென்ற அவா் அச்சுப் பணிகளைப் பாா்வையிட்டு, அதற்கான இயந்திரங்களின் செயல்பாடுகள் குறித்து கேட்டறிந்தாா்.

இந்த நிகழ்ச்சியில் சென்னை மேயா் ஆா்.பிரியா, சட்டப்பேரவை உறுப்பினா்கள் எஸ். அரவிந்த் ரமேஷ், ஏ.எம்.வி. பிரபாகர ராஜா, க. கணபதி, ஹசன்மௌலானா, தமிழ் வளா்ச்சி மற்றும் செய்தித் துறை செயலா் வே.ராஜாராமன் உள்ளிட்டோா் கலந்து கொண்டனா்.