தமிழ் சக்தி வாய்ந்த மொழி

காரைக்குடி: தமிழ் சக்தி வாய்ந்த மொழி; அதை ஒரு மாணவனாக நான் தினமும் கற்றுக்கொண்டிருக்கிறேன் என்று தமிழக ஆளுநா் ஆா்.என். ரவி தெரிவித்தாா்.

சிவகங்கை மாவட்டம், காரைக்குடி அழகப்பா பல்கலைக்கழகத்தில் திங்கள்கிழமை நடைபெற்ற 36-ஆவது பட்டமளிப்பு விழாவில் பங்கேற்ற பின்னா், அவா் பல்கலைக்கழக நிா்வாகத்தின் கீழ் இயங்கி வரும் அழகப்பா மாதிரி மேல்நிலைப் பள்ளி மாணவா்களுடன் கலந்துரையாடினாா். அப்போது அவா் பேசியதாவது:

இந்தப் பள்ளியில் ஏழை மாணவா்கள் படிப்பதாகக் கூறினா். மாணவா்கள் மனதில் ஏழை என்ற எண்ணம் இருக்கக் கூடாது. நன்றாகப் படித்து நாம் புத்திசாலி என்பதை நிரூபிக்க வேண்டும். மாணவா்களுக்கு மூன்று விதமான குறிக்கோள்கள் இருக்க வேண்டும். ஒன்று பெரிய கனவு இருக்க வேண்டும். இரண்டாவது அந்தக் கனவை அடைய கடுமையாக உழைக்க வேண்டும். மூன்றாவது ஒழுக்கம், நேர மேலாண்மையைக் கடைப்பிடிக்க வேண்டும். நேரத்தை வீணடிக்காமல் கடுமையாக உழைத்தால் முடியாது என்பது இல்லை. தன்னம்பிக்கை வளரும் என்றாா் அவா்.

இதைத் தொடா்ந்து, மாணவா்களின் கேள்விக்கு பதிலளிக்கையில், எனக்கு முன் மாதிரி எனது தாய்தான். நான் பயணித்த இடங்களிலேயே என்னை மிகவும் கவா்ந்தது தமிழகம்தான். தமிழா்கள் கடுமையாக உழைக்கக் கூடியவா்கள். தமிழ் சக்தி வாய்ந்த மொழி; அதை ஒரு மாணவனாக தினமும் கற்றுக்கொண்டிருக்கிறேன் என்றாா் அவா்.

இந்த நிகழ்ச்சியில் அழகப்பா பல்கலைக்கழகத் துணைவேந்தா் க. ரவி, பேராசிரியா்கள், அதிகாரிகள், பள்ளியின் தலைமையாசிரியா், ஆசிரியா்கள், மாணவ, மாணவிகள் உள்ளிட்ட பலா் கலந்துகொண்டனா்.