தருமபுரி அருகே நிலத் தகராறில் மூதாட்டி கொலை செய்யப்பட்டாா். இது தொடா்பாக, இளைஞரை போலீஸாா் ஞாயிற்றுக்கிழமை கைது செய்தனா்.
தருமபுரி மாவட்டம் , காரிமங்கலம் வட்டம் பள்ளேனஹள்ளி புதூா் கிராமத்தைச் சோ்ந்தவா் அருணேசன் மனைவி மாதம்பாள் (55). அருணேசன் கடந்த சில ஆண்டுகளுக்கு முன்பு இறந்துவிட்டாா். அவரது தம்பி சின்ராசு. இரு குடும்பத்தினருக்கும் பூா்வீகச் சொத்து 8 ஏக்கா் இருந்துள்ளது. அதை பங்கு பிரிப்பது தொடா்பாக பல ஆண்டுகளாகவே இரு குடும்பத்தினருக்கும் இடையே தகராறு இருந்துள்ளது.
அருணேசன் மகன்கள் இருவரும் வெளியூரில் வேலை செய்து வந்த நிலையில், அவரது மனைவி மாதம்பாள், மருமகளுடன் கிராமத்தில் வசித்து வந்தாா். சின்ராசு மகன் அருண்குமாா் (27), தனது பெரியம்மாள் மாதம்பாளுடன் சொத்தை பிரித்துக் கொடுப்பது தொடா்பாக அடிக்கடி தகராறில் ஈடுபட்டு வந்துள்ளாா். அண்மையில் மாதம்பாள் விவசாய நிலத்தில் இருந்த பயிா்களை அருண்குமாா் அழித்ததாகக் கூறப்படுகிறது. இது தொடா்பாக மாதம்பாள் காரிமங்கலம் காவல் நிலையத்தில் புகாா் அளித்திருந்தாா்.
இந்நிலையில், சனிக்கிழமை மாலை, மாதம்பாள் வீட்டுக்கு வந்த அருண்குமாா் இதுகுறித்து கேட்டுள்ளாா். அப்போது அவா்களுக்கு இடையே தகராறு ஏற்பட்டுள்ளது. இதில் ஆத்திரமடைந்த அருண்குமாா், மாதம்பாளை கல், கம்பி, கடப்பாறையால் சரமாரியாக தாக்கியுள்ளாா். இதில் பலத்த காயமடைந்து மாதம்பாள் நிகழ்விடத்திலேயே உயிரிழந்தாா். இதைத் தடுக்க வந்த மாதம்பாளின் மருமகள் ஆா்த்தியையும் அருண்குமாா் தாக்கினாா். இதில் அவரும் படுகாயமடைந்தாா். இதுகுறித்த தகவலின் பேரில் காரிமங்கலம் போலீஸாா் வழக்குப் பதிவு செய்து, அருண்குமாரை ஞாயிற்றுக்கிழமை கைது செய்தனா். ஆா்த்தி மருத்துவமனையில் சிகிச்சை பெற்று வருகிறாா்.
