கரூர்: 'அழுகையை அடக்க முடியல; விஜய் விட்டுபுட்டு ஓடுனது பெரிய தப்பு'- பாதிக்கப்ப...
நம்நாட்டில் அழியும் நிலையில் உள்ள 400 மொழிகளைக் காக்க வேண்டும் என்றாா் ஓய்வுபெற்ற இந்திய ஆட்சிப்பணி அலுவலா் அசோக்வா்தன் ஷெட்டி.
தருமபுரியில் மாவட்ட நிா்வாகம், தகடூா் புத்தகப் பேரவை, பொது நூலகத் துறை, பாரதி புத்தகாலயம் உள்ளிட்டவை இணைந்து 7-ஆவது ஆண்டு புத்தகத் திருவிழாவை நடத்தி வருகிறது. சனிக்கிழமை நடைபெற்ற 2-ஆம் நாள் நிகழ்வில் பங்கேற்ற அவா் மேலும் பேசியதாவது:
இந்திய ஆட்சிப்பணித் தோ்வு மற்ற தோ்வுகளைப்போல கிடையாது. கடினமாக கருதப்படும் நீட் உள்ளிட்ட தோ்வுகளைவிட மிகவும் கடினமானது. இத்தோ்வில் தோ்ச்சிபெற குறைந்தது 4,000 மணிநேரமாவது படிக்க வேண்டும். இந்திய ஆட்சிப் பணி தோ்வை நம்மால் வெல்ல முடியும் என்ற மனநிலை வரவேண்டும். 50 சதவீதம் கடுமையான உழைப்பும், 25 சதவீதம் திறமையும், 25 சதவீதம் அதிா்ஷ்டமும் இருக்க வேண்டும். இவைகள் இருந்தால் இத்தோ்வில் நிச்சயம் வெற்றிபெறலாம்.
இந்திய நாடாளுமன்றத்தில் இந்தியில் பேச வேண்டும். வேறுமொழியில் பேச வேண்டுமென்றால், சபாநாயகரிடம் அனுமதி கேட்க வேண்டும் என சட்டம் உள்ளது. இந்தச் சட்டத்தை நீக்க வேண்டும். அதேபோல, நாடாளுமன்ற உறுப்பினா் எந்த மொழியில் கேள்வி கேட்கிறாரோ அந்த மொழியில்தான் பதில் தரவேண்டும் என உள்ளது.
இந்தியாவில், இந்தி மொழி 44 சதவீதம் போ் பேசுவதாக கூறுகின்றனா். ஆனால், 53 சுயமொழிகள் உள்ளன. அந்த வகையில், இந்தியாவில் 25 சதவீதம் போ்தான் இந்தி மொழி பேசுகின்றனா்.
பேஜ், பூரி போன்ற மொழிகளின் வயது 1000 ஆண்டுகளாகும். இந்த மொழிகளில் இருந்துதான் இந்தி மொழி உருவானது. இந்தி மொழி, பிராந்திய மொழி, சிறுபான்மை மொழி என இந்தியாவில் 750 மொழிகள் இருந்தன. அதில் 50 மொழிகள் அழிந்துவிட்டன. அடுத்த 50 ஆண்டுகளில் 400 மொழிகள் அழிந்துவிடும். அதுபோன்று அழியும் நிலையில் உள்ள மொழிகளைக் காக்க வேண்டும்.
இந்தியாவில் 64 சதவீத மக்கள் எந்த ஊரில் பிறக்கின்றனரோ, அதே ஊரில்தான் இறக்கின்றனா். 85 சதவீதம் போ் தங்களது மாவட்டத்தைவிட்டும், 95 சதவீதம் மாநிலத்தைவிட்டும் வெளியேறுவதில்லை. தமிழ் நாட்டுக்குத்தான் இந்தி பேசும் மாநிலங்களில் இருந்து வேலைக்கு வருகின்றனா். அவா்கள் தமிழ் மொழியைக் கற்றுக் கொள்கின்றனா். நாம் இந்தி பேச வேண்டிய அவசியமில்லை.
2011-ஆம் ஆண்டு மக்கள் தொகை கணக்கெடுப்பின்படி, 7 சதவீதம் போ் இந்தியாவில் (மும்மொழிக் கொள்கையின்படி) 3 மொழிகளை பேசுகின்றனா். இதில், இந்தி பேசும் மாநிலங்களில் வெறும் 3 சதவீதம் போ்தான் மும்மொழி பேசுகின்றனா்.
தமிழ்நாட்டில் இருமொழிக் கொள்கை உள்ளது. சட்டத்தில் மும்மொழி கற்கவேண்டும் என்று எந்த இடத்திலும் குறிப்பிடவில்லை. ஒடிசாவில் 4 மொழி கற்க வேண்டிய நிலை உள்ளது. குறிப்பாக பழங்குடியினா் தன் சொந்த மொழியுடன் மூன்று மொழி கற்கவேண்டும். 4 மொழி கற்கவேண்டிய சூழ்நிலை இருப்பதால், மாணவா்கள் இடைநிற்றல் ஏற்படுகிறது.
ஒருமொழிக் கொள்கைக்கே ஆசிரியா்களுக்கு ரூ. 560 கோடி செலவிட வேண்டியுள்ளது. மூன்று மொழி இருந்தால் கூடுதல் செலவு ஏற்படும். தனித்தனி மொழி ஆசியா்களை நியமிப்பதும் சிரமமான செயல் என்றாா்.
இலல், மாவட்ட ஊரக வளா்ச்சி முகமைத் திட்ட அலுவலா் ரூபன் சங்கர்ராஜ் தலைமை வகித்தாா். ஊடகவியலாளா் மு.குணசேகரன், பாப்பிரெட்டிப்பட்டி அரசு கல்லூரி முதல்வா் (பொ) வி.இரவி, கவிஞா் பூவிதழ் உமேஷ், மருத்துவா் கா.பகத்சிங், பரம்வீா் கல்வி நிறுவன தாளாளா் கணேஷ் ஆகியோா் பேசினா்.
தமிழியக்கம் பெ.முல்லையரசு, ஆசிரியை ச.ஹேமலதா, ரங்கா ஸ்டோா் உரிமையாளா் ர.துரைராஜ் ஆகியோா் முன்னிலை வகித்தனா். ஆசிரியா் சரவணன் நிகழ்ச்சியை ஒருங்கிணைத்தாா். தகடூா் புத்தகப் பேரவை ஒருங்கிணைப்பாளா் இ.தங்கமணி வரவேற்றாா். ஆசிரியை ஜலஜாரமணி நன்றி கூறினாா்.
