தவெக மருத்துவா் அணி ஒருங்கிணைப்பாளா்கள் நியமனம்

தமிழக வெற்றி கழகத்தின் மாநில மருத்துவா் அணிக்கு புதிய  ஒருங்கிணைப்பாளா்களை அந்தக் கட்சியின் தலைவா் விஜய் நியமித்துள்ளாா்.

2026 தமிழக சட்டப்பேரவை தோ்தலை முன்னிட்டு தவெக தனது கட்டமைப்பை வலுப்படுத்துவதில் தீவிரம் காட்டி வருகிறது. அந்த வகையில், மாவட்ட வாரியாக செயலா்கள், ஒருங்கிணைப்பாளா்கள் உள்ளிட்ட நிா்வாகிகளை அந்தக் கட்சி தலைவா் விஜய் நியமித்து வருகிறாா்.

அதன் தொடா்ச்சியாக, தவெகவின் மாநில மருத்துவா் அணிக்கு ஒருங்கிணைப்பாளராக டி.சரவணன் மற்றும் 14 இணை ஒருங்கிணைப்பாளா்களை அவா் நியமித்துள்ளாா். மேலும், புதிய நிா்வாகிகள் தனது உத்தரவு மற்றும் ஆலோசனையின்படி கட்சிப் பணிகளை மேற்கொள்வாா்கள் என்று விஜய் வெளியிட்டுள்ள அறிக்கையில் தெரிவித்துள்ளாா்.