கிருஷ்ணகிரியில் மா விவசாயிகளுக்கு ஆதரவாக அதிமுகவினர் உண்ணாவிரதம்
கோவை மாநகராட்சி, தெற்கு மண்டலத்தில் ரூ.1.19 கோடி மதிப்பிலான வளா்ச்சிப் பணிகளை மேயா் கா.ரங்கநாயகி வியாழக்கிழமை தொடங்கிவைத்தாா்.
கோவை மாநகராட்சிக்கு 5 மண்டலங்களிலும் பல்வேறு வளா்ச்சிப் பணிகள் மேற்கொள்ளப்பட்டு வருகின்றன. அதன்படி, தெற்கு மண்டலம் 96-ஆவது வாா்டுக்கு உள்பட்ட மதுக்கரை சாலை, பழனியப்பா லே-அவுட், குருசாமி பிள்ளை வீதி, பெரியசாமி சோ்வை வீதியில் ரூ.1.19 கோடி மதிப்பீட்டில் புதிதாக தாா் சாலை மற்றும் கான்கிரீட் சாலை அமைத்தல், ஆரம்ப சுகாதார நிலையம் மேம்பாட்டுப் பணிகள், மழைநீா் வடிகால் மற்றும் சிறுபாலம் அமைத்தல் உள்ளிட்ட பணிகளை மாநகராட்சி மேயா் கா.ரஙகநாயகி வியாழக்கிழமை தொடங்கிவைத்தாா்.
இதைத் தொடா்ந்து, 96-ஆவது வாா்டுக்கு உள்பட்ட சுந்தராபுரம் நகா்ப்புற சுகாதார நிலையத்தில் கா்ப்பிணி தாய்மாா்களுக்கு அளிக்கப்படும் சிகிச்சை முறைகள் குறித்தும், மருந்து, மாத்திரைகளின் இருப்பு குறித்தும் மருத்துவா்களிடம் கேட்டறிந்து, கா்ப்பிணி தாய்மாா்களுக்கு ஊட்டச்சத்து பெட்டகத்தை வழங்கினாா்.
இந்நிகழ்ச்சியில், துணை மேயா் ரா.வெற்றிச்செல்வன், தெற்கு மண்டலத் தலைவா் தனலட்சுமி, உதவி ஆணையா் குமரன், செயற்பொறியாளா் இளங்கோவன், உதவி செயற்பொறியாளா் கனகராஜ் உள்ளிட்டோா் கலந்து கொண்டனா்.
