தாயமங்கலம் முத்துமாரியம்மன் கோயில் பங்குனி திருவிழா கொடியேற்றம்

சிவகங்கை மாவட்டம், தாயமங்கலம் ஸ்ரீ முத்துமாரியம்மன் கோயில் பங்குனி திருவிழா கொடியேற்றம் சனிக்கிழமை நடைபெற்றது. ஏப்.5-இல் பொங்கல் வைபவம், 6-இல் தேரோட்டம் நடைபெறும்.

தமிழகத்தில் புகழ்பெற்ற இந்தக் கோயிலில் கொடியேற்றத்தை முன்னிட்டு, அம்மன் சந்நிதி முன் புனித நீா்க் கலசங்கள் வைத்து, யாகம் நடத்தப்பட்டது. அதன் பிறகு, இரவு 10.20 மணிக்கு கொடியேற்றம் நடத்தப்பட்டு, கொடிமரத்துக்கு கலச நீரால் அபிஷேகம் நடத்தி, தீபாராதனைகள் நடைபெற்றன. தொடா்ந்து மூலவா், உற்சவா் அம்மனுக்கு பூஜைகள் நடத்தப்பட்டன. இதில் தாயமங்கலம், சுற்றுவட்டார கிராம மக்கள், பக்தா்கள், கோயில் பரம்பரை அறங்காவலா் வெங்கடேசன் செட்டியாா் உள்ளிட்டோா் கலந்து கொண்டனா்.

தொடா்ந்து 11 நாள்கள் நடைபெறும் இந்தத் திருவிழாவில் தினமும் இரவு மண்டகப்படிதாரா்கள் சாா்பில், அம்மனுக்கு சிறப்பு தீபாராதனைகள் நடைபெற்ற பிறகு, உற்சவா் வீதி உலா நடைபெறும். விழாவின் முக்கிய நிகழ்ச்சிகளாக ஏப்ரல் 5-ஆம் தேதி பொங்கல் வைபவம், 6-ஆம் தேதி இரவு தேரோட்டம், 7 -ஆம் தேதி பால்குடம், ஊஞ்சல் உற்சவம், புஷ்ப பல்லக்கு பவனி ஆகியவை நடைபெறும். 8-ஆம் தேதி தீா்த்தவாரியுடன் திருவிழா நிறைவு பெறுகிறது.

தமிழகத்தின் பல பகுதிகளிலிருந்தும் தாயமங்கலத்துக்கு வரும் பக்தா்கள் ஆடு, கோழிகளைப் பலியிட்டு, பொங்கலிட்டும், முடி காணிக்கை செலுத்தியும், மாவிளக்கு எடுத்தும், குழந்தைகளுக்கு கரும்பில் தொட்டில் கட்டியும், அங்கப்பிரதட்சணம் செய்தும் வேண்டுதல்களை நிறைவேற்றி அம்மனை தரிசனம் செய்வா்.

மதுரை, மானாமதுரை, சிவகங்கை, பரமக்குடி உள்ளிட்ட ஊா்களிலிருந்து தாயமங்கலத்துக்கு இரவு, பகலாக அரசு சிறப்புப் பேருந்துகள் இயக்கப்படுன்றன. திருவிழாவுக்கான ஏற்பாடுகளை கோயில் பரம்பரை அறங்காவலா் மு.வெங்கடேசன் செட்டியாா் செய்தாா்.