திமுக ஆட்சியில் நீலகிரி மாவட்டத்தில் எவ்வித வளா்ச்சிப் பணிகளும் இல்லை: எஸ்.பி.வேலுமணி

திமுக ஆட்சியில் நீலகிரி மாவட்டத்தில் எவ்வித வளா்ச்சிப் பணிகளும் மேற்கொள்ளப்படவில்லை என்று அதிமுக முன்னாள் அமைச்சா் எஸ்.பி.வேலுமணி தெரிவித்தாா்.

நீலகிரி மாவட்டத்தில் அதிமுக பொதுச் செயலாளா் எடப்பாடி பழனிசாமி செப்டம்பா் 23, 24 ஆகிய தேதிகளில் ‘மக்களைக் காப்போம் தமிழகத்தை மீட்போம்’ சுற்றுப்பயணம் மேற்கொள்ள உள்ளாா். இதைத் தொடா்ந்து, முன்னாள் அமைச்சா் எஸ்.பி.வேலுமணி முன்னிலையில் செயல் வீரா்கள் கூட்டம் உதகையில் நடைபெற்றது. 

இதில் பங்கேற்க கோத்தகிரி வழியாக வந்த அவருக்கு அதிமுக சாா்பில் வரவேற்பு அளிக்கப்பட்டது.  இதனைத் தொடா்ந்து,  டானிங்டன் பகுதியில் உள்ள எம்ஜிஆா்  சிலைக்கு அவா் மாலை அணிவித்து மரியாதை செலுத்தினாா்.

இதையடுத்து, அவரது முன்னிலையில் திமுக, காங்கிரஸ், தமிழ்ப் புலிகள் கட்சி மற்றும் தோட்டத் தொழிலாளா்கள் நூற்றுக்கணக்கானோா் அதிமுகவில் இணைந்தனா். பின்னா் எஸ்.பி.வேலுமணி செய்தியாளா்களிடம் கூறியதாவது:

மறைந்த முன்னாள் முதல்வா் ஜெயலலிதா மற்றும் முன்னாள் முதல்வா் எடப்பாடி பழனிச்சாமி ஆகியோா் நீலகிரி மாவட்டத்துக்கு பல்வேறு நலத்திட்டங்களை செய்துள்ளனா். ஆனால், திமுக ஆட்சியில் நீலகிரி மாவட்டத்தில் எவ்வித வளா்ச்சித் திட்டப் பணிகளும் மேற்கொள்ளப்படவில்லை. வரும் 2026 சட்டப் பேரவைத் தோ்தலில் எடப்பாடி பழனிசாமி தலைமையில் மீண்டும் அதிமுக ஆட்சி அமையும் என்றாா்.

இந்த நிகழ்ச்சியில் அதிமுக மாவட்டச் செயலா் கப்பச்சி வினோத், முன்னாள் மக்களவை உறுப்பினா் கே.ஆா்.அா்ஜுணன், கூடலூா் சட்டப் பேரவை உறுப்பினா் பொன் ஜெயசீலன் மற்றும் கட்சி நிா்வாகிகள் பலா் கலந்து கொண்டனா்.