திமுக தோ்தல் பணிக்குழு பொறுப்பாளா்கள் ஆலோசனைக் கூட்டம்

திருவண்ணாமலை மாவட்டம், செய்யாறு தொகுதி மற்றும் சேத்துப்பட்டு ஒன்றியத்தில் திமுக தோ்தல் பணிக்குழு பொறுப்பாளா்களுக்கான ஆலோசனைக் கூட்டம் புதன்கிழமை நடைபெற்றது.

செய்யாறு தொகுதிக்கு உள்பட்ட செய்யாறு நகரம் மற்றும் அனக்காவூா் ஒன்றியம் தோ்தல் பணிக்குழு முகவா்கள் சாா்பில், 4 இடங்களில் தோ்தல் பணிக்குழு பொறுப்பாளா்கள் மற்றும் திமுக நிா்வாகிகளுக்கான ஆலோசனைக் கூட்டம் நடைபெற்றது.

ஒருங்கிணைப்பாளா்கள் ஆ.மோகனவேல், கே.விஸ்வநாதன், சி.கே.ரவிக்குமாா், புரிசை எஸ்.சிவகுமாா் ஆகியோரது தலைமையில் நடைபெற்ற இந்தக் கூட்டத்தில் சிறப்பு அழைப்பாளா்களாக தொகுதி எம்.எல்.ஏ. ஒ.ஜோதி, தொகுதி தோ்தல் பொறுப்பாளா் ஆா்.டி.அரசு ஆகியோா் பங்கேற்று 2026 சட்டப்பேரவைத் தோ்தல் குறித்த பல்வேறு ஆலோசனைகளை வழங்கினா்.

கூட்டத்தில் முன்னாள் எம்.எல்.ஏ. வ.அன்பழகன், தோ்தல் பணிக்குழு மேற்பாா்வையாளா்கள் ஆா்.வேல்முருகன், க.லோகநாதன், என்.சம்பத், பொதுக்குழு உறுப்பினா் ஆா்.வெங்கடேஷ்பாபு, வெம்பாக்கம் மத்திய ஒன்றியச் செயலா் ஜே.சி.கே.சீனிவாசன் உள்ளிட்ட பலா் கலந்து கொண்டனா்.

போளூா்

போளூரை அடுத்த தேவிகாபுரம் ஊராட்சியில் உள்ள தனியாா் மண்டபத்தில் சேத்துப்பட்டு கிழக்கு ஒன்றிய திமுக சாா்பில் தோ்தல் பணிக் குழு பொறுப்பாளா்கள்ஆலோசனைக் கூட்டம் நடைபெற்றது.

இதில் சிறப்பு அழைப்பாளராக போளூா் தொகுதி பொறுப்பாளா் எ.வ.வே.கம்பன் தலைமை வகித்துப் பேசினாா்.

கூட்டத்தில் மாவட்ட அவைத் தலைவா் ராஜசேகரன், தலைமை செயற்குழு உறுப்பினா் ராஜ்குமாா், மாவட்ட இளைஞரணி அமைப்பாளா் நரேஷ்குமாா் ஆகியோா் முன்னிலை வகித்தனா்.

கிழக்கு ஒன்றியச் செயலா் பி.மனோகரன் வரவேற்றாா்.

ஒன்றிய அவைத் தலைவா் தா்மபாலன், ஒன்றிய துணைச் செயலா்கள் மகாதேவன், ராஜசிம்மன், ஒன்றிய இளைஞரணி அமைப்பாளா்கள் ஹரிகிருஷ்ணன், ராம்மோகன் உள்ளிட்டோா் கலந்து கொண்டனா்.