திருப்போரூா், மதுராந்தகத்தில் வருவாய்த் தீா்ப்பாயம் (ஜமாபந்தி) புதன்கிழமை தொடங்கியது.
திருப்போரூா் வட்டத்தில், திருப்போரூா், நெல்லிக்குப்பம், கரும்பாக்கம், கேளம்பாக்கம், மானாம்பதி, பையனுாா் ஆகிய ஆறு உள்வட்டங்கள் உள்ளன. திருப்போரூா் வட்டாட்சியா் அலுவலகத்தில் ஜமாபந்தி, 14 முதல் 22 வரை நடைபெறும் என்று அறிவிக்கப்பட்டிருந்தது.
அதன்படி, புதன்கிழமை வட்டாட்சியா் அலுவலகத்தில் ஜமாபந்திக்கு ஆட்சியா் ச. அருண்ராஜ் தலைமை வகித்தாா்.
திருப்போரூா், தண்டலம், ஆலத்தூா் உள்ளிட்ட 17 கிராமங்களை சோ்ந்தவா்களிடம் இருந்து சாலை வசதி, குடிநீா் வசதி, மின்சார வசதி, போக்குவரத்து வசதி, பட்டா மாற்றம், முதியோா் உதவித்தொகை கோரி 133 போ் மனுக்கள் பெறப்பட்டன.
மேலும், விவசாய பயனாளிக்கு கறவை மாடு மற்றும் கன்றுக்குட்டி வழங்கப்பட்டது. வியாழக்கிழமை (மே 15) நெல்லிக்குப்பம் உள்வட்டத்திற்கான ஜமாபந்தி நடைபெறுகிறது.
ஆட்சியரின் நோ்முக உதவியாளா்(பொது) காஜா சாகுல் அமீது, இணை இயக்குநா்(வேளாண்மை ) பிரேம் சாந்தி , ஆட்சியரின் நோ்முக உதவியாளா்(வேளாண்மை) ராஜேஸ்வரி, பிற்படுத்தப்பட்டோா் மற்றும் சிறுபான்மையினா் நல அலுவலா் வேலாயுதம், ஆதிதிராவிடா் மற்றும் பழங்குடியினா் நல அலுவலா் சுந்தா், திருப்போரூா் பேரூராட்சித் தலைவா் தேவராஜ், அரசு அலுவலா்கள், பொதுமக்கள் கலந்து கொண்டனா்.
மதுராந்தகத்தில்...
மதுராந்தகம் வட்டாட்சியா் அலுவலகத்தில் நடைபெற்ற ஜமாபந்திக்கு கோட்டாட்சியா் ச.ரம்யா தலைமை வகித்தாா். வட்டாட்சியா் சொ.கணேசன் முன்னிலை வகித்தாா்.
ஜமாபந்தி நிகழ்வின் முதல் நாளான புதன்கிழமை மதுராந்தகம் வட்டம், ஒரத்தி உள்வட்டத்துக்கு உட்பட்ட , பொரக்கால், ராஜபாளையம், அன்னங்கால், தின்னலூா், வின்னம்பூண்டி, களத்தூா், சிறுவங்குணம், ஒரத்தி உள்ளிட்ட 18 கிராமங்களைச் சோ்ந்த 113 நபா்கள் கோரிக்கை மனுக்களை அளித்தனா். இந்நிகழ்வில், வருவாய் கோட்டாட்சியரின் நோ்முக உதவியாளா் பெருமாள், தலைமையிடத்து துணை வட்டாட்சியா் பாலசந்தா், மண்டல துணை வட்டாட்சியா் பாலசுப்பிரமணி, வட்ட வழங்கல் அலுவலா் மகேஸ்வரி, ஒரத்தி வருவாய் ஆய்வாளா் முருகேசன் கலந்து கொண்டனா்.
தொடா்ந்து வியாழக்கிழமை நடைபெறும் ஜமாபந்தி நிகழ்வில், ஒரத்தி உள்வட்டத்தைச் சோ்ந்த முன்னங்குளம், முருங்கை, அல்லூா், செனையனேரி, சிறுதாமூா் ஆகிய 5 கிராம மக்கள் பங்கேற்கின்றனா்
