அவிநாசி அருகே திருமுருகன்பூண்டி நகராட்சியில் ரூ.5.85 கோடி மதிப்பில் வளா்ச்சித் திட்டப் பணிகள் திங்கள்கிழமை தொடங்கிவைக்கப்பட்டன.
திருமுருகன்பூண்டி நகராட்சிக்கு உள்பட்ட பகுதிகளில் மண் சாலைகளை தாா் சாலைகளாக மாற்றும் பணி, சேதமடைந்துள்ள சிமென்ட் மற்றும் தாா் சாலைகளை புதிப்பித்தல், மண் சாலைகளை சிமெண்ட் சாலைகளாக மாற்றும் பணி, வாா்டு 22-இல் புதிய பொதுக்கழிப்பிடம் அமைக்கும் பணி என மொத்தம் ரூ.5 கோடியே 85 லட்சத்து 76 ஆயிரம் மதிப்பிலான பணிகள் திங்கள்கிழமை தொடங்கப்பட்டன.
இப்பணிகளை மேயா் ந.தினேஷ்குமாா் தொடங்கிவைத்தாா். நிகழ்ச்சிக்கு திருமுருகன்பூண்டி நகராட்சித் தலைவா் நா. குமாா் தலைமை வகித்தாா். துணைத் தலைவா் ராஜேஸ்வரி, திருமுருகன்பூண்டி கோயில் செயல் அலுவலா் விமலா, பொறுப்பாளா்கள் மூா்த்தி (எ) கிருஷ்ணசாமி, தேஜேஸ் மூா்த்தி, அப்பாஸ், நகா்மன்ற உறுப்பினா்கள், கோயில் அறங்காவலா்கள் உள்ளிட்டோா் பங்கேற்றனா்
