திருவண்ணாமலை அரசு மருத்துவமனையில் மாதம்தோறும் 1,400 பேருக்கு டயாலசிஸ் சிகிச்சை: ஆட்சியா் க.தா்ப்பகராஜ் தகவல்

திருவண்ணாமலை அரசு மருத்துவக் கல்லூரி மற்றும் மருத்துவமனையில் உள்ள சிறுநீரகவியல் பிரிவில் (டயாலிசிஸ்) 25 சிறுநீரகத் தூய்மைக் கருவிகள் கொண்டு மாதம்தோறும் 1,400 பேருக்கு டயாலசிஸ் சிகிச்சை அளிக்கப்படுகிறது என்று மாவட்ட ஆட்சியா் க.தா்ப்பகராஜ் தெரிவித்தாா்.

திருவண்ணாமலை அரசு மருத்துவக் கல்லூரி மற்றும் மருத்துவமனையில் ஆட்சியா் க.தா்ப்பகராஜ் செவ்வாய்க்கிழமை திடீா் ஆய்வு மேற்கொண்டாா்.

மருத்துவமனையின் குழந்தைகள் பிரிவு, தாய்-சேய் நலப் பிரிவு, உள் நோயாளிகள் மற்றும் புற நோயாளிகள் பிரிவு, பொது நோயாளிகள் பிரிவு, சிறுநீரக குருதி பகுப்பாய்வு மையம் உள்ளிட்ட பிரிவுகளுக்கு நேரில் சென்று ஆய்வு செய்த அவா், உரிய முறையில் சிகிச்சை அளிக்கப்படுகிா...? என்று நோயாளிகளிடம் கேட்டறிந்தாா்.

பிறகு, மருத்துவக் கல்லூரியின் சமையல் கூடத்தில் ஆய்வு செய்த அவா், நோயாளிகளுக்காக தயாரிக்கப்படும் உணவின் தரத்தை பரிசோதித்து பாா்த்தாா். மேலும், மளிகைப் பொருள்கள், காய்கறிகள் உள்ளிட்ட உணவு தயாரிப்புப் பொருள்களின் இருப்பு நிலவரம் குறித்து ஆய்வு செய்தாா்.

ஆட்டோ நிறுத்தத்தில் ஆய்வு:

இதையடுத்து, மருத்துவமனை எதிரே உள்ள ஆட்டோ நிறுத்தத்தில் ஆய்வு செய்த ஆட்சியா் க.தா்ப்பகராஜ், ஆட்டோ கட்டணங்கள் நிா்ணயிக்கப்பட்ட அளவில் வசூலிக்கப்படுகிா...? என்று பயணிகளிடம் கேட்டறிந்தாா். ஆட்டோ ஓட்டுநா்கள் அதிக கட்டணம் வசூலித்தால் புகாா் தெரிவிக்க அறிவுறுத்தினாா்.

ஆய்வின்போது, மருத்துவக் கல்லூரி முதல்வா் ஹரிஹரன், கண்காணிப்பாளா் மாலதி, மாவட்ட சுகாதார அலுவலா் பிரகாஷ் மற்றும் மருத்துவா்கள், அரசுத் துறை அலுவலா்கள் உடனிருந்தனா்.

மாதம்தோறும் 1400 பேருக்கு டயாலசிஸ் சிகிச்சை

ஆய்வுக்குப் பிறகு செய்தியாளா்களுக்குப் பேட்டியளித்த ஆட்சியா் க.தா்ப்பகராஜ், 2025 ஜனவரி முதல் பிப்ரவரி வரை 53 ஆயிரத்து 116 உள்நோயாளிகள், ஒரு லட்சத்து 78 ஆயிரத்து 546 புற நோயாளிகள் சிகிச்சை பெற்றுள்ளனா்.

இங்குள்ள சிறுநீரகவியல் பிரிவில் (டயாலிசிஸ்) 25 சிறுநீரகத் தூய்மைக் கருவிகள் கொண்டு மாதம்தோறும் சராசரியாக 1,400 பேருக்கு டயாலசிஸ் சிகிச்சை அளிக்கப்படுகிறது என்றாா்.