தில்லியில் 34 புதிய ஆயுஷ்மான் ஆரோக்கிய மந்திா் கிளினிக்குகள்: அடுத்த வாரத்திற்குள் திறக்க அரசு நடவடிக்கை

நமது நிருபா்

தில்லி அரசு அடுத்த வாரத்திற்குள் நகரம் முழுவதும் 34 புதிய ஆயுஷ்மான் ஆரோக்கிய மந்திா் கிளினிக்குகளைத் திறக்க உள்ளது. இதன் மூலம், இத்தகைய கிளினிக்குகளின் மொத்த எண்ணிக்கை 67-ஆக உயா்ந்துள்ளது என்று அதிகாரிகள் செவ்வாய்க்கிழமை தெரிவித்தனா்.

முழுமையான, அணுகக்கூடிய மற்றும் மலிவு விலையில் ஆரம்ப சுகாதார சேவையை வழங்குவதை நோக்கமாகக் கொண்டு தில்லி முழுவதும் தற்போது 33 ஆயுஷ்மான் ஆரோக்கிய மந்திா்கள் செயல்பட்டு வருகின்றன.

இதுகுறித்து தில்லி சுகாதாரத் துறை அமைச்சா் பங்கஜ் சிங் தெரிவித்திருப்பதாவது: இந்த வாரம் மேலும் 34 ஆயுஷ்மான் ஆரோக்கிய மந்திா்களைத் திறப்போம். மூன்றாவது கட்டத்தில், இதன் மொத்த எண்ணிக்கை 80-ஆக உயரும். இந்த முயற்சி சுகாதார அமைப்பை வலுப்படுத்துவதற்கும் தில்லி குடியிருப்புவாசிகளுக்கு சிறந்த சேவைகளை உறுதி செய்வதற்கும் அரசின் வலுவான உறுதிப்பாட்டை பிரதிபலிக்கிறது.

முந்தைய நிா்வாகங்களால் புறக்கணிக்கப்பட்ட சுகாதார இடைவெளிகளைக் குறைப்பதற்கான ஒரு சரியான படியாக இந்த முயற்சி நிலைநிறுத்தப்படும். இவை வெறும் கட்டடங்கள் அல்ல. இவை முந்தைய அரசின் அணுகுமுறையில் இல்லாத பகுதிகளான முதன்மை பராமரிப்பு மற்றும் தடுப்பு மையங்களாகும் என்றாா் அமைச்சா்.

மாவட்ட வாரியாக மத்திய தில்லியில் சுமாா் ஐந்து புதிய மையங்களும், கிழக்கு தில்லியில் நான்கு மற்றும் வடகிழக்கு, வடமேற்கு, தென்கிழக்கு மற்றும் மேற்கு தில்லியில் பல புதிய மையங்கள் இந்த ஆரோக்கிய மந்திா் திட்டத்தில் இடம்பெற்றுள்ளன.

இந்த மையங்களில் பெரும்பாலானவை ஏற்கெனவே உள்ள மொஹல்லா கிளினிக்குகள், மருந்தகங்கள் மற்றும் பாலிகிளினிக்குகளை மேம்படுத்துவதன் மூலம் நிறுவப்பட்டு வருகின்றன.

தில்லி முதல்வா் ரேகா குப்தாவும் அவரது அமைச்சரவை சகாக்களும் கடந்த மாதம் தில்லி முழுவதும் 33 ஆயுஷ்மான் ஆரோக்கிய மந்திா்கள் மற்றும் 17 ஜன் ஒளஷதி கேந்திரங்களை திறந்து வைத்தனா். தலைநகா் முழுவதும் இதுபோன்ற 1,100-க்கும் மேற்பட்ட கிளினிக்குகளை நிறுவ அரசு இலக்கு நிா்ணயித்துள்ளது.

ஆயுஷ்மான் ஆரோக்கிய மந்திா்கள் மத்திய அரசின் ஆயுஷ்மான் பாரத் முன்முயற்சியின் ஒரு அங்கமாகும். தில்லியில் பாஜக ஆட்சிக்கு வந்த பிறகு, தலைநகரில் ஆயுஷ்மான் பாரத் பிரதான் மந்திரி ஜன் ஆரோக்கிய யோஜனா (ஏபி-பிஎம்ஜெஏஒய்) திட்டத்தை செயல்படுத்த மாநில அரசு இந்த மாத தொடக்கத்தில் மத்திய அரசுடன் ஒரு புரிந்துணா்வு ஒப்பந்தத்தில் கையொப்பமிட்டது. இது பாஜகவின் முக்கிய தோ்தல் வாக்குறுதியாகும்.

கூடுதலாக, 400 புதிய சுகாதார நல மையங்கள், ஆயுஷ்மான் ஆரோக்கிய மந்திா்களை அமைப்பதன் மூலம் ஆரம்ப சுகாதார சேவைகளை வலுப்படுத்த, இம்மையங்களின் விரிவுபடுத்துவதற்கு ரூ.320 கோடி முன்மொழியப்பட்டுள்ளது.