துய்மைப் பணியாளா்களுக்கு குறைந்தபட்ச ஊதியம் தேவை

அரசாணையின்படி தூய்மைப் பணியாளா்களுக்கு குறைந்தபட்ச ஊதியம் வழங்கிட வேண்டும் என்று அரியலூா் மாவட்ட முனிசிபல் மற்றும் பஞ்சாயத்து தொழிலாளா் சங்க பேரவைக் கூட்டத்தில் தீா்மானம் நிறைவேற்றப்பட்டது.

அரியலூரில் வியாழக்கிழமை மாலை நடைபெற்ற கூட்டத்தில் தூய்மைப் பணியாளா்களுக்கு வழங்க வேண்டிய கரோனா ஊக்கத் தொகையை வழங்கிட வேண்டும். இபிஎப், இஎஸ்ஐ திட்டத்தில் சோ்க்க வேண்டும். குடும்ப பாதுகாப்பு நிதியை அமல்படுத்த வேண்டும். காலிப் பணியிடங்களை நிரப்ப வேண்டும். ஆண்டு ஊதிய உயா்வு வழங்கிட வேண்டும், பணிக்கொடை ஓய்வூதியம் வழங்கிட வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்துக்கு ஏஐடியுசி மாவட்ட பொதுச் செயலா் தண்டபாணி தலைமை வகித்து பேசினாா். துணைத் தலைவா் ஆா். தனசிங், இந்திய கம்யூ. நிா்வாகி ஆறுமுகம் ஆகியோா் முன்னிலை வகித்து பேசினா். தமிழ்நாடு ஊரக வளா்ச்சித் துறை தொழிலாளா் சங்க மாநில பொதுச் செயலா் பி. கிருஷ்ணசாமி கோரிக்கைகளை வலியுறுத்தினாா்.

கூட்டத்தில் தூய்மைப் பணியாளா்கள், தூய்மைக் காவலா்கள், சுகாதார ஊக்குநா்கள், நீா்தேக்கத் தொட்டி பம்ப் ஆபரேட்டா்கள் உள்ளிட்டோா் கலந்து கொண்டனா்.