தூத்துக்குடி மீன் ஏலக்கூடம், மணப்பாடு தூண்டில் வளைவு: காணொலி மூலம் முதல்வா் திறந்து வைத்தாா்

தூத்துக்குடி மீன்பிடித் துறைமுகத்தில் மேம்படுத்தப்பட்ட வசதிகளுடன் மீன் ஏலக்கூடம், வலைபின்னும் கூடம், மணப்பாட்டில் நீட்டிக்கப்பட்டுள்ள தூண்டில் வளைவு ஆகியவற்றை காணொலிக் காட்சி மூலம் முதல்வா் மு.க.ஸ்டாலின் புதன்கிழமை திறந்து வைத்தாா்.

சென்னை, திருவொற்றியூரில் மீன்வளம் மற்றும் மீனவா் நலத்துறை சாா்பில் நடைபெற்ற அரசு விழாவில், தூத்துக்குடி மீன்பிடித் துறைமுகத்தில் உள்கட்டமைப்பு நிதியுதவி திட்டத்தின்கீழ் ரூ.10 கோடியில் கூடுதல் உள்கட்டமைப்பு வசதிகளுடன் கட்டப்பட்டுள்ள மீன்ஏலக்கூடம் மற்றும் வலை பின்னும் கூடம், ரூ.41 கோடியில் தூண்டில் வளைவு, தற்போது, 50 மீட்டா் நீளத்திற்கு பிரதான தூண்டில் வளைவினை நீட்டிக்கும் பணிகளும், 320 மீட்டா் நீளத்திற்கு துணைத் தூண்டில் வளைவு அமைக்கும் பணிகளும் மற்றும் 1000 மீட்டா் நீளத்துக்கு மீன்பிடி படகுகள் சென்றுவர எதுவாக கடற்கரைப் பகுதியை தூா்வாரி ஆழப்படுத்தும் பணிகளும் நிறைவுற்றதையடுத்து, இவற்றை முதல்வா் மு.க.ஸ்டாலின் காணொலிக் காட்சி மூலம் திறந்து வைத்தாா்.

இதைத் தொடா்ந்து, தூத்துக்குடி மீன்டிபிடித் துறைமுகத்தில் நடைபெற்ற நிகழ்ச்சியில், கூடுதல் உள்கட்டமைப்பு வசதிகளுடன் கட்டப்பட்டுள்ள மீன்ஏலக்கூடம், வலை பின்னும் கூடத்தினை மாவட்ட ஆட்சியா் க.இளம்பகவத் பாா்வையிட்டாா்.

இந்நிகழ்ச்சியில், மீன்வளத்துறை மண்டல இணை இயக்குநா் ந. சந்திரா, செயற்பொறியாளா் கணபதி ரமேஷ், உதவி இயக்குநா்கள் புஷ்ரா ஷப்னம், ஜனாா்த்தனன், உதவி செயற்பொறியாளா் ஜெயசுதா, உதவிப் பொறியாளா் தயாநிதி, அரசு அலுவலா்கள் மற்றும் மீனவா்கள் பலா் பங்கேற்றனா்.