தூத்துக்குடியில் விசைப்படகு மீனவா்கள் ஆா்ப்பாட்டம்

தமிழக மீனவா்கள் மீதான இலங்கை அரசின் தாக்குதலை கண்டித்து தூத்துக்குடி மீன்பிடி துறைமுகம் முன் விசைப்படகு மீனவா்கள் ஞாயிற்றுக்கிழமை ஆா்ப்பாட்டத்தில் ஈடுபட்டனா்.

தூத்துக்குடி மாவட்ட அனைத்து விசைப்படகு தொழிலாளா் சங்கம் சாா்பில் நடைபெற்ற இந்த ஆா்ப்பாட்டத்திற்கு அச்சங்கத்தின் மாவட்டத் தலைவா் ஜவஹா் தலைமை வகித்தாா்.

தமிழக மீனவா் மீது தொடா்ந்து தாக்குதல் நடத்தி, மீனவா்களை கைது செய்து படகுகளை பறிமுதல் செய்து வரும் இலங்கை அரசுக்கும், தமிழக மக்கள் நலன் மற்றும் மாநில உரிமைகளை பறிக்கும் மத்திய அரசுக்கும் கண்டனம் தெரிவித்தும், இலங்கைக்குச் செல்லும் பிரதமா் மோடி, தமிழக மீனவா்கள் கைது செய்யப்படுவது தொடா்பாக அந்நாட்டு அரசுடன் பேசி உரிய தீா்வு காண வேண்டுமென என வலியுறுத்தியும் கோஷங்கள் எழுப்பப்பட்டன.

இதில், மாவட்டச் செயலா் பிரகாசம், மாவட்ட துணைச் செயலா் கிங்ஸ்டன், ஏஐடியூசி மாவட்டச் செயலா் லோகநாதன், காங்கிரஸ் சிறுபான்மை பிரிவு மாவட்டத் தலைவா் மைதீன், மனித நேய மக்கள் கட்சி மாவட்டத் தலைவா் அகமது இக்பால், தமிழக வாழ்வுரிமை கட்சி மாவட்டச் செயலா் கிதா் பிஸ்மி, தமிழக வெற்றிக் கழக மாவட்ட அமைப்பாளா் அஜிதா ஆக்னல், அமைப்பு சாரா தொழிலாளா் கூட்டமைப்பு ஒருங்கிணைப்பாளா் கிருஷ்ணமூா்த்தி உள்பட ஏராளமான மீனவா்கள், பல்வேறு கட்சிகள், அமைப்புகளை சோ்ந்தவா்கள் பங்கேற்றனா்.