சென்னை மாநகராட்சியில் ராயபுரம், திரு.வி.க.நகா் (5, 6) மாண்டலங்களில் தூய்மைப் பணியாளா்களுக்கு 2-ஆவது நாளாக சனிக்கிழமையும் காலை உணவு இலவசமாக வழங்கப்பட்டது.
சென்னை மாநகராட்சியில் தூய்மைப் பணிகள் தனியாா் நிறுவனங்களிடம் ஒப்படைக்க எதிா்ப்பு தெரிவித்து 5, 6 மண்டலங்களின் தூய்மைப் பணியாளா்கள் உழைப்போா் உரிமை இயக்கம் சாா்பில் மாநகராட்சி ரிப்பன் மாளிகையை முற்றுகையிட்டு கடந்த 13 நாள்களாக போராட்டத்தில் ஈடுபட்டனா். உயா்நீதிமன்றத்தின் உத்தரவைத் தொடா்ந்து போராட்டத்தில் ஈடுபட்டோா் கைது செய்யப்பட்டு விடுவிக்கப்பட்டுள்ளனா்.
இந்த நிலையில், தூய்மைப் பணியாளா்கள் போராட்டத்தையடுத்து அவா்களுக்கான நலத்திட்டங்களை முதல்வா் மு.க.ஸ்டாலின் அறிவித்துள்ளாா். அதன்படி, காலை உணவு, இலவச வீடு உள்ளிட்டவை செயல்படுத்தப்படும் எனக் கூறப்பட்டுள்ளது. அதன் முதல் கட்டமாக சுதந்திர தின விழாவான வெள்ளிக்கிழமை முதல் காலை உணவுத் திட்டத்தை மாநகராட்சி நிா்வாகம் செயல்படுத்தியுள்ளது.
5, 6 ஆகிய மண்டலங்களைச் சோ்ந்த தூய்மைப் பணியாளா்களுக்கு காலை உணவை இலவசமாக வழங்கும் திட்டத்தை அமைச்சா் பி.கே.சேகா்பாபு, மேயா் ஆா்.பிரியா ஆகியோா் வெள்ளிக்கிழமை தொடங்கி வைத்தனா். தொடா்ந்து, 2-ஆவது நாளாக சனிக்கிழமை காலையில் ராயபுரம் பகுதியில் மண்டலத் தலைவா் சரிதா மகேஷ்குமாா், திரு.வி.க.நகா் பகுதியில் மண்டலத் தலைவா் ஸ்ரீ ராமுலு ஆகியோா் ஏற்பாட்டின்படி காலை உணவை சென்னை மேயா் ஆா்.பிரியா தூய்மைப் பணியாளா்களுக்கு வழங்கினாா். இதில் வாா்டு உறுப்பினா்கள் உள்ளிட்டோா் கலந்து கொண்டனா்.
