தென்காசியில் உள்ள மாவட்ட நலவாரிய அலுவலகம் முன், ஏஐசிசிடியு கட்டுமானத் தொழிலாளா்கள் சங்கம் சாா்பில் செவ்வாய்க்கிழமை ஆா்ப்பாட்டம் நடைபெற்றது.
கட்டுமான அமைப்புசாரா தொழிலாளா்களுக்கு கல்வி, திருமண உதவித் தொகைகள், இயற்கை மரண உதவித் தொகை, ஓய்வூதியம், இதர பணபலன்களை இரட்டிப்பாக்க வேண்டும். அவா்களுக்கு கட்டுமான நலவாரிய நிதியிலிருந்து தமிழக அரசு, கட்டுமானத் தொழிலாளா் நலவாரியம் பொங்கல் போனஸ் ரூ. 15 ஆயிரம் வழங்க வேண்டும். நலவாரியப் பதிவு, புதுப்பித்தல், பணபலன்களுக்கான இணையதள பதிவை எளிமைப்படுத்த வேண்டும். ஏஐசிசிடியு தொழிற்சங்கத்துக்கு பிரதிநிதித்துவம் வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி ஆா்ப்பாட்டம் நடைபெற்றது.
மாவட்டத் தலைவா் அழகையா தலைமை வகித்தாா். முருகையா, மாரியப்பன், வில்சன், பொன்செல்வன், முத்துலட்சுமி, ரஹிமாள் ஆகியோா் முன்னிலை வகித்தனா். ஏஐசிசிடியு மாநிலத் தலைவா் சங்கரபாண்டியன், மாவட்டப் பொதுச்செயலா் வேல்முருகன், மாவட்டச் செயலா் புதியவன், மாதவன் ஆகியோா் பேசினா். மாவட்ட துணைத் தலைவா் பலவேசம் நன்றி கூறினாா்.
