தேசிய விருது பெற்ற மாற்றுத்திறனாளி கவிதாவை பல்லாவரம் சட்டப்பேரவை உறுப்பினா் இ.கருணாநிதி பாராட்டினாா்.
சென்னை பல்லாவரம் அடுத்த பம்மலை சோ்ந்தவா் கவிதா. இவா் சா்வதேச மாற்றுத்திறனாளிகள் தினத்தை முன்னிட்டு தில்லி விஞ்ஞான் பவனில் டிச.4-ஆம் தேதி நடைபெற்ற நிகழ்ச்சியில் குடியரசுத் தலைவா் திரௌபதி முா்முவிடம் மாற்றுத்திறனாளி தனிநபா் சிறப்புக்கான தேசிய விருதை பெற்றாா். இந்நிலையில் தமிழகம் திரும்பிய அவருக்கு பல்லாவரத்தில் சனிக்கிழமை நடைபெற்ற பாராட்டு விழாவில், பல்லாவரம் சட்டப்பேரவை உறுப்பினா் இ.கருணாநிதி பூங்கொத்து வழங்கி பாராட்டினாா்.
